27-28 maýsym aralyǵynda Qostanai oblysynda qoǵamdyq kólikter júrmeidi, dep habarlaidy oblys ákimdigi janyndaǵy óńirlik Shtab.
Shtab aqparatyna súiensek, aldaǵy eki kúnde Qostanaida qoǵamdyq kóliktiń, onyń ishinde saiajai baǵyttarynyń qozǵalysy toqtatylady. Avtobýstar tek 29 maýsymnan bastap júredi.
«Óńirdiń bas sanitarlyq dárigeriniń qaýlysyn oryndaý maqstatynda Qostanai qalasynyń perimetrinde mobildi beketter ornatylady. 9 avtopatrýl qala ishinde reid júrgizedi. Sondai-aq 25 politsei qoǵamdyq tártipke jaýap beredi. Senbi jáne jeksenbi kúnderi jumys isteitinder úshin jumys ornynan anyqtama suralady. Politsiia osy talaptardyń oryndalýyna baqylaýdy kúsheitetin bolady. Barlyq aqparatty emhanalar arqyly tekseredi. Zań buzýshylar QR Ákimshilik Kodeksiniń 462 baby boiynsha jaýapqa tartylady», delingen óńirlik Shtabtyń aqparatynda.
Aita keteiik, infektsiianyń aldyn-alý úshin 27-28 maýsymda Qostanai, Rýdnyi, Jitiqara, Lisakov, Arqalyq, Tobyl qalalarynda lokdaýn rejimi engizildi. Lokdaýn rejimi engizilgen qala turǵyndaryna úiden jumys úshin, em alýǵa, dári-dármek, azyq-túlik, qoqys tógýge, jeke kólikpen saiajaiǵa barýǵa ǵana ruqsat etiledi. Oiyn-saýyq jáne saýda nysandary, bazarlar, saiabaqtar jabylyp, qoǵamdyq kólikter toqtaidy.
