Qostanai oblysy, Amangeldi aýdanynda Keiki Kókembaiuly kesenesi boi kóterdi, dep habarlaidy QazAqparat tilshisi.
Araǵa ǵasyrǵa jýyq ýaqyt salyp, byltyr elge oralǵan batyrdyń súiegin jerleý rásimi Amangeldi aýdanynda ótti. Tarihi oqiǵanyń kýəsi bolmaqqa alys-jaqynnan tanymal tulǵalar keldi. Olardyń arasynda QR Parlamenti depýtattary, qoǵam qairatkerleri, aqyn-jazýshylar bar.
Batyr súiegin jerleý rəsimi saǵat 11:00-de bastaldy. Aldymen, baba rýhyna quran baǵyshtaldy. Súiekti jer qoinyna tapsyrý rəsimine QR Memlekettik hatshysy Gúlshara Əbdihalyqova, QR Mədeniet jəne sport ministri Arystanbek Muhamediuly, Qostanai oblysynyń əkimi Arhimed Muhambetov, Vengriianyń Qazaqstandaǵy elshisi Barani Andrash, QR Parlamenti depýtaty Qýanysh Sultanov, jazýshy Səbit Dosanov qatysty.
«Jańa memorialdyq keshenniń qurylysy boiynsha barlyq jumystar belgilengen ýaqytta aiaqtaldy. Onyń barysyn únemi qadaǵalap otyrdyq. Mine, úkimettiń kelisimimen batyr súiegin saltanatty túrde jerleý rásimin uiymdastyryp otyrmyz. Keiki batyrdyń tarihtaǵy orny erekshe. Mynadai səýletti kesene jastarymyzdyń boiyna rýh bitiredi, Otanǵa degen súiispenshiligin arttyrýǵa septigin tigizedi», - dedi Qostanai oblysynyń ákimi Arhimed Muhambetov.
Jiynda Keiki batyr týraly qoǵam qairatkerleri de pikir aitty.
«Keiki Kókembaiuly - ultynyń azattyǵy jolynda kúresken ult qaharmany. Onyń jarqyn beinesi urpaqtan-urpaqqa jetip, erligi elin rýhtandyryp tura bermek», - dedi jazýshy Səbit Dosanov.
Keiki batyr urpaqtary atynan Serik Aqylbai sóz sóilep, ǵasyr boiy syrt elde jatqan batyr súiegin elge əkelýge sebepshi bolǵan Elbasyna alǵysyn bildirdi.
