قوستاناي وبلىسى, امانگەلدٸ اۋدانىندا كەيكٸ كٶكەمبايۇلى كەسەنەسٸ بوي كٶتەردٸ, دەپ حابارلايدى قازاقپارات تٸلشٸسٸ.
اراعا عاسىرعا جۋىق ۋاقىت سالىپ, بىلتىر ەلگە ورالعان باتىردىڭ سٷيەگٸن جەرلەۋ رەسٸمٸ امانگەلدٸ اۋدانىندا ٶتتٸ. تاريحي وقيعانىڭ كۋəسٸ بولماققا الىس-جاقىننان تانىمال تۇلعالار كەلدٸ. ولاردىڭ اراسىندا قر پارلامەنتٸ دەپۋتاتتارى, قوعام قايراتكەرلەرٸ, اقىن-جازۋشىلار بار.
باتىر سٷيەگٸن جەرلەۋ رəسٸمٸ ساعات 11:00-دە باستالدى. الدىمەن, بابا رۋحىنا قۇران باعىشتالدى. سٷيەكتٸ جەر قوينىنا تاپسىرۋ رəسٸمٸنە قر مەملەكەتتٸك حاتشىسى گٷلشارا Əبدٸحالىقوۆا, قر مəدەنيەت جəنە سپورت مينيسترٸ ارىستانبەك مۇحامەديۇلى, قوستاناي وبلىسىنىڭ əكٸمٸ ارحيمەد مۇحامبەتوۆ, ۆەنگرييانىڭ قازاقستانداعى ەلشٸسٸ باراني اندراش, قر پارلامەنتٸ دەپۋتاتى قۋانىش سۇلتانوۆ, جازۋشى سəبيت دوسانوۆ قاتىستى.
«جاڭا مەموريالدىق كەشەننٸڭ قۇرىلىسى بويىنشا بارلىق جۇمىستار بەلگٸلەنگەن ۋاقىتتا اياقتالدى. ونىڭ بارىسىن ٷنەمٸ قاداعالاپ وتىردىق. مٸنە, ٷكٸمەتتٸڭ كەلٸسٸمٸمەن باتىر سٷيەگٸن سالتاناتتى تٷردە جەرلەۋ رەسٸمٸن ۇيىمداستىرىپ وتىرمىز. كەيكٸ باتىردىڭ تاريحتاعى ورنى ەرەكشە. مىناداي سəۋلەتتٸ كەسەنە جاستارىمىزدىڭ بويىنا رۋح بٸتٸرەدٸ, وتانعا دەگەن سٷيٸسپەنشٸلٸگٸن ارتتىرۋعا سەپتٸگٸن تيگٸزەدٸ», - دەدٸ قوستاناي وبلىسىنىڭ ەكٸمٸ ارحيمەد مۇحامبەتوۆ.
جيىندا كەيكٸ باتىر تۋرالى قوعام قايراتكەرلەرٸ دە پٸكٸر ايتتى.
«كەيكٸ كٶكەمبايۇلى - ۇلتىنىڭ ازاتتىعى جولىندا كٷرەسكەن ۇلت قاھارمانى. ونىڭ جارقىن بەينەسٸ ۇرپاقتان-ۇرپاققا جەتٸپ, ەرلٸگٸ ەلٸن رۋحتاندىرىپ تۇرا بەرمەك», - دەدٸ جازۋشى سəبيت دوسانوۆ.
كەيكٸ باتىر ۇرپاقتارى اتىنان سەرٸك اقىلباي سٶز سٶيلەپ, عاسىر بويى سىرت ەلدە جاتقان باتىر سٷيەگٸن ەلگە əكەلۋگە سەبەپشٸ بولعان ەلباسىنا العىسىن بٸلدٸردٸ.
