Qostanai oblysyndaǵy «Qairaq» shekara beketinde «Zita» atty iisshil it Reseige esirtki alyp ótpek bolǵan er adamdy ustady, dep habarlaidy QR UQK baspasóz qyzmeti.
«QR UQK Shekara qyzmetiniń Qostanai oblysyndaǵy departamentine qarasty «Qairaq» (avtokóliktik) shekaralyq baqylaý bóliminde esirtki zatyn ustaý deregi tirkeldi. Resei Federatsiiasyna jolǵa shyqqan QR azamatynyń qol júgin tekserý barysynda «Zita» qyzmettik iti jolaýshynyń qaltasynda esirtki bar ekenin anyqtady. Tekserý kezinde Qazaqstan Respýblikasy azamatynyń qaltasynan iisi bar, jasyl tústi 5 gramm gashish tabyldy», delingen komitet aqparatynda.
Shekarashylar ustalǵan azamatty quzyrly organdarǵa tapsyrdy. Qazir kúdiktige qatysty tergeý amaldary júrip jatyr.
