Qostanaida bankrottyqty basqarýshy para alyp ustaldy, dep habarlaidy QazAqparat Qarjylyq monitoring agenttigine silteme jasap.
Qostanai oblysy boiynsha Qarjylyq monitoring agenttiginiń aýmaqtyq departamenti kompaniianyń bankrottyqty basqarýshysy bas direktordan jáne kommertsiialyq uiymnyń quryltaishysynan debitorlar tizilimine engizý úshin 100 mln teńge mólsherinde qomaqty aqsha qarajatyn bopsalaǵanyn anyqtady.
Kúdikti aldyn ala kelisilgen somanyń jartysyn JShS-nyń bas direktory men quryltaishysynan 50 mln teńge alǵan kezde ustaldy.
Qostanai qalasynyń Tergeý soty 2 ai merzimge qamaýǵa alý túrindegi bultartpaý sharasyna sanktsiia berdi.
Kommertsiialyq paraǵa satyp alý faktisi boiynsha tergep-tekserý júrip jatyr. Ózge aqparat tergeý múddesinde jariia etýge jatpaidy.
