Jol-kólik oqiǵasy búgin túste boldy. Miy shaiqalǵan qyz aýrýhanaǵa jetkizildi, dep habarlaidy "Ult aqparat".
«Búgin 13:34-te Abai-Volynov kósheleriniń qiylysynda 31 jastaǵy júrgizýshi «Lada» avtokóligimen kele jatyp, baǵdarsham janynda 11 jasar qyzdy qaǵyp ketti. Miy shaiqalǵan qyz aýrýhanaǵa jetkizildi», - dep qysqasha túsindirdi politsiiadan.
Vedomstvoda qyzdyń joldy baǵdarshamnyń jasyl túsine ótken-ótpegeni áli belgisiz ekeni aityldy.
«Oqiǵany túsirip alǵan kameranyń videosynda baǵdarshamnyń túsi kórinbeidi. Qazirgi kezde jol-kólik oqiǵasynyń mán-jaiy kýágerlerden suralyp jatyr», - dedi politsiia.
