Qostanai oblysynyń ákimi Arhimed Muhambetov óńirde koronavirýs juqtyrý jaǵdailarynyń nelikten jiilep ketkendigin túsindirdi, dep habarlaidy "Ult aqparat".
Ákimniń atap ótýinshe, biyl óńirde densaýlyq saqtaý salasyn damytýǵa 78 mlrd teńge bólingen. Bul ótken jyly jumsalǵan qarajattan 1,5 esege kóp.
«COVID-19 pandemiiasy densaýlyq saqtaý júiesine aitarlyqtai syn-tegeýiringe ainalyp otyr. Bul baǵytta bizdiń atqarar isterimiz de kóp desek bolady. Oblysta koronavirýs infektsiiasynyń 4 913 jaǵdaiy tirkelgen. Qazirgi ýaqytta naýqastardy emdeý isine 19 statsionar jumyldyrylyp, olarda 967 tósek-oryn ázirlengen. Qajettilik týyndaǵan jaǵdaida tósek-oryn sanyn 3 myńǵa jetkize alamyz. Búginde tósek-oryndar júktemesi 33 paiyzdy quraidy», - dedi oblys ákimi Ortalyq kommýnikatsiialar qyzmeti alańynda ótken baspasóz máslihaty barysynda.
Sonymen qatar ol óńirde koronavirýspen aýyrǵan turǵyndar sanynyń nelikten artyp otyrǵandyǵyn túsindirip berdi.
«Koronavirýspen aýrý ósimi eń aldymen Resei Federatsiiasymen shektesýimizge bailanysty bolyp tur. Qazirgi ýaqytta ol jaqta koronavirýspen aýrý ósimi joǵary ekeni belgili. 1,5 myń shaqyrymǵa sozylatyn shekarada 7 avtomobil ótkeli bar, onyń tórteýi negizgi sanalady. Olar arqyly tek 6 qazanda ǵana shamamen 30 myń adam keldi. Bul respýblikaǵa avtomobil ótkeli arqyly ótken barlyq jolaýshynyń 15 paiyzǵa jýyǵyn quraidy. Syrttan kelgenderúshin 412 tósek-oryn bar 6 karantindik statsionar ázirlengen. Olarǵa PTR teris nátije kórsetken anyqtamasy jolaýshylar jatqyzylady», - dedi Arhimed Muhambetov.
Esterińizge sala ketek, Qostanai oblysynda koronavirýspen aýyrǵandar sanynyń artýyna bailanysty 9 qarashadan beri 3 aptaǵa karantin sharalary qatańdatylǵan bolatyn.
