Qostanai oblysynda 400-ge jýyq mektep shtattyq rejimde oqytady. Bul týraly oblys ákiminiń orynbasary Baqyt Esimova áleýmettik jelide jazdy, dep habarlaidy "Ult aqparat".
Baqyt Esimovanyń aitýynsha, oblystyq bas sanitarlyq dárigerdiń qaýlysyna sáikes, 3-toqsanda mektepterdegi karantindik sharalar jeńildetildi. Óńirdiń oqýshy sany 300-ge tolmaityn 381 mektebi shtattyq rejimde bilim beredi.
«Barlyǵy 30276 oqýshy dástúrli formatta bilim alatyn bolady. Qalǵan mektepterde 1-5 synyptar arasynda kezekshi synyptar uiymdastyrylady. Al 9-11 synyptardaǵy oqý protsesi aralas nysanda ótedi. Pánderdiń 70%-i mektepte ótkizilse, qalǵan 30%-i qashyqtan oqytylady.
38,5 myń oqýshy qashyqtan oqý protsesimen qamtylady»,- deidi oblys ákiminiń orynbasary.
Sonymen qatar kolledjderdiń 1-kýrsyndaǵy 7 myńǵa jýyq stýdent shtattyq rejimde oqidy.
Oqý oryndarynda sanitarlyq normalar saqtalǵan. Biýdjet esebinen 375 mln teńge qarjy bólinip, ár mektepke qajetti qural-jabdyqtar jetkizildi.
«Qazir qorǵanys qurylǵylarynyń 3 ailyq qory daiyndaldy. Qajet bolǵan jaǵdaida taǵy da qarjy bólinedi. COVID-19 pandemiiasy bilim berý júiesine de aitarlyqtai áser etip otyr. Sol sebepti 1-5 synyp oqýshylarynyń ata-analary balalaryn balamaly onlain oqytýda qaldyrýǵa tolyq quqyly.
Jaqyn arada ustazdarymyz ben oqýshylarymyz kolledj, mektepterge emin-erkin kelip, bilim alatyn jaǵdaiǵa jetemiz degen úmittemin»,-dep jazdy Baqyt Esimova.
