Qostanai oblysyndaǵy orman órti týraly kesh habarlanǵan. Bul týraly tótenshe jaǵdailar ministri Iýrii Ilin aitty, - dep habarlaidy Tengrinews.kz.
Tótenshe jaǵdailar ministrligi basshysy órttiń úlken aýmaqqa taralýyna jel sebep bolǵanyn aitty.
"Orman órti týraly habar kesh kelgenimen kelisemin. Shamamen 20 shaqyrym jerde bolǵan. Birden birneshe shaqyrymda órt tutanǵan. Úlken aýmaqta órttiń taralýy sekýndyna 25 metrge deiin jetip, jel bastalǵan. Saldarynan jerdegi qyzmettermen sóndirý múmkin bolmaityndai órt bastalyp ketti", - deidi Ilin.
Búginde órt ázirge sóndirilmedi. Ministrdiń aitýynsha, órtti sóndirýge tehnika jetkilikti: shamamen 250 tehnika bar. Órtti sóndirýmen eki myńǵa jýyq adam ainalysyp jatyr.
"Shamamen órt aýmaǵy 43 myń gektardan asty. Ol tek orman aimaǵy emes: egistik jerler, jalpy paidalaný oryndary men jaiylymdar da bar", - dedi TJ ministri.
