قوستاناي وبلىسىنداعى ورمان ٶرتٸ تۋرالى كەش حابارلانعان. بۇل تۋرالى تٶتەنشە جاعدايلار مينيسترٸ يۋريي يلين ايتتى, - دەپ حابارلايدى Tengrinews.kz.
تٶتەنشە جاعدايلار مينيسترلٸگٸ باسشىسى ٶرتتٸڭ ٷلكەن اۋماققا تارالۋىنا جەل سەبەپ بولعانىن ايتتى.
"ورمان ٶرتٸ تۋرالى حابار كەش كەلگەنٸمەن كەلٸسەمٸن. شامامەن 20 شاقىرىم جەردە بولعان. بٸردەن بٸرنەشە شاقىرىمدا ٶرت تۇتانعان. ٷلكەن اۋماقتا ٶرتتٸڭ تارالۋى سەكۋندىنا 25 مەترگە دەيٸن جەتٸپ, جەل باستالعان. سالدارىنان جەردەگٸ قىزمەتتەرمەن سٶندٸرۋ مٷمكٸن بولمايتىنداي ٶرت باستالىپ كەتتٸ", - دەيدٸ يلين.
بٷگٸندە ٶرت ەزٸرگە سٶندٸرٸلمەدٸ. مينيستردٸڭ ايتۋىنشا, ٶرتتٸ سٶندٸرۋگە تەحنيكا جەتكٸلٸكتٸ: شامامەن 250 تەحنيكا بار. ٶرتتٸ سٶندٸرۋمەن ەكٸ مىڭعا جۋىق ادام اينالىسىپ جاتىر.
"شامامەن ٶرت اۋماعى 43 مىڭ گەكتاردان استى. ول تەك ورمان ايماعى ەمەس: ەگٸستٸك جەرلەر, جالپى پايدالانۋ ورىندارى مەن جايىلىمدار دا بار", - دەدٸ تج مينيسترٸ.
