"Qaiyrymdylyq KZ" qoǵamdyq qory Qostanai oblysynda qyrkúiekte bolǵan órtten zardap shekkenderge qansha tólegenin jáne qarjy qaida jumsalǵanyn aitty, - dep habarlaidy Tengrinews.kz agenttigi.
Búginde "Qaiyrymdylyq KZ" qoǵamdyq qoryna 1 milliard 257 million 43 myń teńge túsken. Qarjy áli de túsip jatyr. Qor málimetinshe, birinshi kezekte úileri tolyǵymen órtengen azamattar kómek alǵan. Mundai zardap shekkenderge bir million teńgeden bólingen.
"Áýliekól aýdanyndaǵy órtten zardap shekken 14 adamnyń árqaisyna 1,3 million teńgeden kómek kórsetildi. Osylaisha, jalpy shyǵyn 18,2 million teńge boldy. Áýliekól aýdanynda órtten zardap shekken taǵy 91 adamǵa bir million teńgeden kómek kórsetildi. Jalpy alǵanda, olar qordan 91 million teńge bóldi", - dedi qor ókilderi.
Taǵy 500 myń teńgeden Áýliekól aýdanyndaǵy órtten zardap shekken 74 adam alǵan. Bul da bir rettik qarjylai kómek.
Órt kezinde maldary: iri qara, qus jáne usaq maldan aiyrylǵan adamdarǵa jeti millionnan asa tólem tólengen.
"Áýliekól aýdanynda maldyń qyrylýyna bailanysty 11 adamǵa 7,6 million teńge kóleminde kómek kórsetildi. Áýliekól aýdanynda bes ShQ (sharýa qojalyqtary – esk.) 30,3 million teńge, taǵy bir jábirlenýshi kóligi úshin million teńge aldy", - dep tolyqtyrdy qor ókilderi.
Qarasý aýdanynyń turǵyndary da qordan tolyq nemese ishinara órtengen baspanalary men maldary úshin ótemaqy alǵan. Qor málimetinshe, segiz adam bir million teńgeden alǵan. Sonymen qatar, qor qarajatyn taratatyn komissiia Qostanaidaǵy órtten zardap shekken segiz adamǵa kómek kórsetý qajet dep tapty. Olarǵa da bir million teńgeden tólengen.
Zardap shekkenderge kómek kórsetýmen qatar, "Qaiyrymdylyq KZ" qoǵamdyq qory qurylys materialdaryna, ormandardy órtten tazartýǵa arnalǵan arnaiy tehnikaǵa, kóshetterge jáne t.b. qarjy jumsalǵanyn habarlady.
"Janar-jaǵarmaiǵa barlyǵy 15,6 million teńge jumsaldy. Ormanshylarǵa arnalǵan arnaiy qysqy kiimder 55,5 million teńgege tústi. Sondai-aq, jalpy quny 44,8 million teńgege qurylys materialdary shyǵaryldy, onyń ishinde profil qubyr quny 14 638 670 teńge, plitka jáne jaiaý júrginshiler joly jiegi 4 884 880 teńge, taǵy 4 704 700 teńgege DSP, tot baspaityn bolattan jasalǵan rakovina, hrom kran, sifon, gofrlengen shlang alyndy.
1 228 500 teńgege qosymsha 91 dana turaqtandyrǵysh alyndy. Jalpy somasy 347,1 million teńgege ormandardy órtten tazartýǵa arnaiy tehnikalar alyndy. Sondai-aq, qor 126 million 60 myń teńgege alty "Belarýs" traktoryn, taǵy sondai somaǵa aspaly tiegishter, traktor tirkemeleri satyp alyndy. Taǵy segiz traktor men qajetti quramdas bólikter qorǵa 187 million 140 myń teńge alyndy", - dedi qordaǵylar.
Osy shyǵyndardan bólek, qor qaiyrymdylyq kómek kórsetken. Amanqaraǵai aýylynda eki oiyn alańy men sport alańynyń qurylysyna 22,7 million teńge bólingen. Taǵy 17,6 million teńge Áýliekól aýylyndaǵy balalar jáne sport alańdarynyń qurylysyna jumsalǵan.
Qor málimetinshe, Amanqaraǵai aýylynda fýtbol, voleibol jáne basketbol jattyǵýlaryn júrgizýge arnalǵan kópfýnktsional alańnyń qurylysyna 20 million teńge bólingen.
