Qostanai oblysynda «Qara búrkit» koloniiasynyń janynda qatty ystyq aýa raiyna bailanysty qurǵaq shóp órtendi, dep habarlaidy "Ult aqparat" Qostanai oblysy boiynsha qylmystyq-atqarý júiesi departamentiniń baspasóz qyzmetine silteme jasap.
Vedomstvonyń habarlaýynsha, órtti qyzmetkerler baiqap, birden sóndirýge kirisken. Tórt saǵattyń ishinde órt tolyq oqshaýlanyp, koloniianyń jeke quramy órt sóndirý avtokóligindegi sý qoryn tez toltyryp otyrýǵa kómektesti.
«Ashyq jalyn azyq-túlik qoimasyna qarai ótip ketpes úshin mekeme basshylyǵy TJD qyzmetkerlerine kómek kórsetý týraly sheshim qabyldady. Kezekshi aýysymdaǵy barlyq kúshti jumyldyrdyq», - dedi ÝK161-3 mekemesi bastyǵynyń mindetin atqarýshy Ashat Balambaev.
Órt sóndirýshiler koloniianyń jeke quramyn batyl jáne jedel áreket etkeni úshin alǵys bildirdi.
«Qara búrkit» – (resmi ataýy – ÝK-161/3 mekemesi) Qazaqstannyń Qostanai oblysyndaǵy tótenshe qaýipsizdik mekemesi, Jetiqara qalasynan 25 shyqyrym jerde ornalasqan. Onda asa aýyr qylmyskerler, atap aitqanda ómir boiy bas bostandyǵynan aiyrylǵandar jazasyn óteidi.
