قوستاناي وبلىسىندا «قارا بٷركٸت» كولونيياسىنىڭ جانىندا قاتتى ىستىق اۋا رايىنا بايلانىستى قۇرعاق شٶپ ٶرتەندٸ, دەپ حابارلايدى "ۇلت اقپارات" قوستاناي وبلىسى بويىنشا قىلمىستىق-اتقارۋ جٷيەسٸ دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ حابارلاۋىنشا, ٶرتتٸ قىزمەتكەرلەر بايقاپ, بٸردەن سٶندٸرۋگە كٸرٸسكەن. تٶرت ساعاتتىڭ ٸشٸندە ٶرت تولىق وقشاۋلانىپ, كولونييانىڭ جەكە قۇرامى ٶرت سٶندٸرۋ اۆتوكٶلٸگٸندەگٸ سۋ قورىن تەز تولتىرىپ وتىرۋعا كٶمەكتەستٸ.
«اشىق جالىن ازىق-تٷلٸك قويماسىنا قاراي ٶتٸپ كەتپەس ٷشٸن مەكەمە باسشىلىعى تجد قىزمەتكەرلەرٸنە كٶمەك كٶرسەتۋ تۋرالى شەشٸم قابىلدادى. كەزەكشٸ اۋىسىمداعى بارلىق كٷشتٸ جۇمىلدىردىق», - دەدٸ ۋك161-3 مەكەمەسٸ باستىعىنىڭ مٸندەتٸن اتقارۋشى اسحات بالامباەۆ.
ٶرت سٶندٸرۋشٸلەر كولونييانىڭ جەكە قۇرامىن باتىل جەنە جەدەل ەرەكەت ەتكەنٸ ٷشٸن العىس بٸلدٸردٸ.
«قارا بٷركٸت» – (رەسمي اتاۋى – ۋك-161/3 مەكەمەسٸ) قازاقستاننىڭ قوستاناي وبلىسىنداعى تٶتەنشە قاۋٸپسٸزدٸك مەكەمەسٸ, جەتٸقارا قالاسىنان 25 شىقىرىم جەردە ورنالاسقان. وندا اسا اۋىر قىلمىسكەرلەر, اتاپ ايتقاندا ٶمٸر بويى باس بوستاندىعىنان ايىرىلعاندار جازاسىن ٶتەيدٸ.
