Qostanai oblysyndaǵy Taran aýdanyna Beiimbet Mailinniń esimi beriledi, dep habarlaidy QazAqparat.
Búgin Taran aýdany mádeniet úiinde turǵyndardyń qatysýymen qoǵamdyq tyńdaý ótti. Tyńdaýdyń basty maqsaty - Taran aýdanynyń ataýyn ózgertý. Birneshe saǵatqa sozylǵan jiyn nátijesinde aýdandy Beiimbet Mailin esimimen ataý jóninde sheshim qabyldandy. Osy kúni Taran aýdanyndaǵy Taran aýylyna Áiet esimin berý máselesi de talqylanyp, turǵyndar tarapynan oń sheshimin tapty. Jiynda aqyn Aqylbek Shaiahmet, beiimbettanýshy-ǵalym Jumabek Tabyn, professor Qalqaman Jaqyptar sóz sóilep, bastamanyń mańyzyna toqtaldy.
«Bul - biraz jyldan beri aitylyp kele jatqan másele. Búgingi qoǵamdyq tyńdaýda bul túitkilge núkte qoiyldy desek oryndy. Óitkeni, aýdan turǵyndary biraýyzdan qoldady. Ásirese, bastamaǵa ún qosqan jastarǵa, máslihat depýtattarynyń jumysyna riza boldym. Tarihi, saiasi turǵydan alyp qaraǵanda, aýdanǵa Beiimbet Mailin esiminiń berilýi durys. Jazýshynyń 125 jyldyq mereitoiyn aitpaǵannyń ózinde, qazaq halqyna sińirgen eńbegine baǵa jetpeidi», - dedi oblystyq onomastikalyq komissiianyń múshesi Qalqaman Jaqyp.
Qalqaman Jaqyptyń sózinshe, endi tiisti qujattar daiyndalyp, usynys respýblikalyq onomastikalyq komissiiada qaralady. Aýdan ataýyn resmi túrde ózgertý úshin 4-5 ai ýaqyt qajet.
