Foto: ashyq derekkóz
QR Qarjylyq monitoring agenttiginiń Qostanai oblysy boiynsha departamenti litsenziiasyz mikroqarjylyq qyzmet júrgizý faktisi boiynsha tergep-tekserý jumystaryn bastady, dep habarlaidy Ult.kz.
Aldyn ala málimetterge sáikes, kúdikti alty jyl boiy «OLX» jáne «Instagram» qosymshalary arqyly joǵary paiyzben qaryz berýmen ainalysqan. Bul áreketter resmi qujat túrinde rásimdelip, qaryz somalaryna jyldyq 100%-ǵa deiingi syiaqy qosylǵan. Qaryzdyń qaitarylýyn qamtamasyz etý úshin boryshkerlerdiń múlikteri kepildikke qoiylǵan.
Kúdikti jalpy somasy 556 mln teńgeden asatyn 72 kelisimshart jasaǵan. Solardyń biri Rýdnyi qalasynyń zeinetkerimen jasalǵan kelisim. Zeinetker emdelýge qajetti 13,2 mln teńge qaryz alý úshin kelisimge otyryp, is júzinde tek 6 mln teńge ǵana alǵan. Qalǵan 7,2 mln teńge syiaqy retinde eseptelgen. Sonymen qatar, zeinetker ai saiyn 600 myń teńgeden tóleýge mindettelip, jalǵyz páterin kepilge qoiýǵa májbúr bolǵan.
Sottyń sanktsiiasymen kúdiktiniń jalpy quny 154 mln teńge bolatyn múlkine, onyń ishinde 6 jeke turǵyn úii men «TANK 500», «TOYOTA CAMRY», «MITSUBISHI FIGHTER» avtokólikterine tyiym salyndy. Qazirgi ýaqytta tergep-tekserý jumystary jalǵasýda.
Mundai jaǵdailar azamattar úshin úlken qaýip tóndiredi, sebebi qarjylyq alaiaqtyq saldarynan turǵyndar óz múlkinen aiyrylyp qalýy múmkin. Sondyqtan qarjylyq kelisimderge saqtyqpen qaraý mańyzdy.
