فوتو: اشىق دەرەككٶز
قر قارجىلىق مونيتورينگ اگەنتتٸگٸنٸڭ قوستاناي وبلىسى بويىنشا دەپارتامەنتٸ ليتسەنزيياسىز ميكروقارجىلىق قىزمەت جٷرگٸزۋ فاكتٸسٸ بويىنشا تەرگەپ-تەكسەرۋ جۇمىستارىن باستادى, دەپ حابارلايدى Ult.kz.
الدىن الا مەلٸمەتتەرگە سەيكەس, كٷدٸكتٸ التى جىل بويى «OLX» جەنە «Instagram» قوسىمشالارى ارقىلى جوعارى پايىزبەن قارىز بەرۋمەن اينالىسقان. بۇل ەرەكەتتەر رەسمي قۇجات تٷرٸندە رەسٸمدەلٸپ, قارىز سومالارىنا جىلدىق 100%-عا دەيٸنگٸ سىياقى قوسىلعان. قارىزدىڭ قايتارىلۋىن قامتاماسىز ەتۋ ٷشٸن بورىشكەرلەردٸڭ مٷلٸكتەرٸ كەپٸلدٸككە قويىلعان.
كٷدٸكتٸ جالپى سوماسى 556 ملن تەڭگەدەن اساتىن 72 كەلٸسٸمشارت جاساعان. سولاردىڭ بٸرٸ رۋدنىي قالاسىنىڭ زەينەتكەرٸمەن جاسالعان كەلٸسٸم. زەينەتكەر ەمدەلۋگە قاجەتتٸ 13,2 ملن تەڭگە قارىز الۋ ٷشٸن كەلٸسٸمگە وتىرىپ, ٸس جٷزٸندە تەك 6 ملن تەڭگە عانا العان. قالعان 7,2 ملن تەڭگە سىياقى رەتٸندە ەسەپتەلگەن. سونىمەن قاتار, زەينەتكەر اي سايىن 600 مىڭ تەڭگەدەن تٶلەۋگە مٸندەتتەلٸپ, جالعىز پەتەرٸن كەپٸلگە قويۋعا مەجبٷر بولعان.
سوتتىڭ سانكتسيياسىمەن كٷدٸكتٸنٸڭ جالپى قۇنى 154 ملن تەڭگە بولاتىن مٷلكٸنە, ونىڭ ٸشٸندە 6 جەكە تۇرعىن ٷيٸ مەن «TANK 500», «TOYOTA CAMRY», «MITSUBISHI FIGHTER» اۆتوكٶلٸكتەرٸنە تىيىم سالىندى. قازٸرگٸ ۋاقىتتا تەرگەپ-تەكسەرۋ جۇمىستارى جالعاسۋدا.
مۇنداي جاعدايلار ازاماتتار ٷشٸن ٷلكەن قاۋٸپ تٶندٸرەدٸ, سەبەبٸ قارجىلىق الاياقتىق سالدارىنان تۇرعىندار ٶز مٷلكٸنەن ايىرىلىپ قالۋى مٷمكٸن. سوندىقتان قارجىلىق كەلٸسٸمدەرگە ساقتىقپەن قاراۋ ماڭىزدى.
