Qostanai oblysynda muz basyp qalǵan avtotrassa tazartylyp, qozǵalys tolyǵymen jandandy, dep habarlaidy "Ult aqparat".
«Qostanai oblysynda Sevastopol aýylynan Soltústik Qazaqstan oblysynyń shekarasyna deiingi jol ýchaskesinde («Ekaterinbýrg-Almaty» avtojolynyń 708-729 shaqyrym aralyǵy) kólik qozǵalysy qaita jandandy. Joldy tazartýǵa jumys personalynyń 10 adamy jáne 4 tehnika jumyldyryldy», - dep málim etti QR Indýstriia jáne infraqurylymdyq damý ministrliginen.
Eske salsaq, 18 sáýir kúni quiyndy jel Sevastopol aýyly mańyndaǵy Vishnevoe kólindegi muzdy kóterip, trassa ústine laqtyrdy. Osyǵan bailanysty, jol ústinde biiktigi 5 metrge deiin jetetin, uzyndyǵy 500 metrlik muz shoǵyry paida boldy. Kólik qozǵalysy toqtatyldy.
«Bul kúre joldyń 713-shi shaqyrymynda, Sevastopolskii kentiniń janynda bolǵa jaǵdai. Ondaǵy kópir ótken jyly salynǵan. Kópirdiń astyndaǵy sý ońnan sol jaqqa qarai aǵyp jatyr. Keshe sol jaqtan oń jaqqa qarai, iaǵni aǵynǵa qarsy soqqan qatty jel saldarynan Vishnovoe kólindegi muz kóterilip, jolǵa shyǵyp ketken. Osyǵan bailanysty, jolda biiktigi 5 metrge deiin jetetin, uzyndyǵy 500 metrlik muz shoǵyry paida bolǵan», - dep túsindirgen edi «Qazavtojol» UK» AQ Qostanai oblystyq filialynyń direktory Andrei Gorvat.
