Qostanai oblysynda tótenshe jaǵdailar rejimine bailanysty qoǵamdyq kólikterdiń qozǵalysy ózgerdi, dep habarlaidy "Ult aqparat".
Jergilikti politsiia qyzmeti bastyǵynyń orynbasary Vitalii Tsoidyń aitýynsha, bul sheshim 2 sáýirden bastap kúshine enedi.
«Bas memlekettik sanitarlyq dárigerdiń qaýlysyna engizilgen ózgeristerge sáikes barlyq avtobýstar men taksi júrgizýshilerinde, jolaýshylarynda meditsinalyq maska bolýy tiis. Turǵyndar maskasyz avtobýsqa kire almaidy. Taksimen eki jolaýshydan artyq tasymaldaýǵa ruqsat joq. Jeke avtomobilderge tórt jolaýshy otyra alady», - dedi Vitalii Tsoi agenttik tilshisine.
Sonymen qatar qoǵamdyq kólik qozǵalysyna da shekteý engizildi. Endi avtobýstar arasyndaǵy qozǵalys aralyǵy 15 minýtqa deiin artady. Qoǵamdyq kólikterdiń barlyǵy saǵat 20:00-ge deiin júredi. Sońǵy avtobýs aialdamalarynan 19: 00 kezinde shyǵady. Shekteýdi buzǵan kólik ieleri jaýapqa tartylady.
