قوستاناي وبلىسىندا تٶتەنشە جاعدايلار رەجيمٸنە بايلانىستى قوعامدىق كٶلٸكتەردٸڭ قوزعالىسى ٶزگەردٸ, دەپ حابارلايدى "ۇلت اقپارات".
جەرگٸلٸكتٸ پوليتسييا قىزمەتٸ باستىعىنىڭ ورىنباسارى ۆيتاليي تسويدىڭ ايتۋىنشا, بۇل شەشٸم 2 سەۋٸردەن باستاپ كٷشٸنە ەنەدٸ.
«باس مەملەكەتتٸك سانيتارلىق دەرٸگەردٸڭ قاۋلىسىنا ەنگٸزٸلگەن ٶزگەرٸستەرگە سەيكەس بارلىق اۆتوبۋستار مەن تاكسي جٷرگٸزۋشٸلەرٸندە, جولاۋشىلارىندا مەديتسينالىق ماسكا بولۋى تيٸس. تۇرعىندار ماسكاسىز اۆتوبۋسقا كٸرە المايدى. تاكسيمەن ەكٸ جولاۋشىدان ارتىق تاسىمالداۋعا رۇقسات جوق. جەكە اۆتوموبيلدەرگە تٶرت جولاۋشى وتىرا الادى», - دەدٸ ۆيتاليي تسوي اگەنتتٸك تٸلشٸسٸنە.
سونىمەن قاتار قوعامدىق كٶلٸك قوزعالىسىنا دا شەكتەۋ ەنگٸزٸلدٸ. ەندٸ اۆتوبۋستار اراسىنداعى قوزعالىس ارالىعى 15 مينۋتقا دەيٸن ارتادى. قوعامدىق كٶلٸكتەردٸڭ بارلىعى ساعات 20:00-گە دەيٸن جٷرەدٸ. سوڭعى اۆتوبۋس ايالدامالارىنان 19: 00 كەزٸندە شىعادى. شەكتەۋدٸ بۇزعان كٶلٸك يەلەرٸ جاۋاپقا تارتىلادى.
