Qostanai oblysynda anyqtalǵan 4 adam da Jitiqara qalasynyń turǵyndary bolyp shyqty.
Bul týraly QazAqparat QR Prezidenti janyndaǵy Tótenshe jaǵdaidy qamtamasyz etý jónindegi Memleketik komissiianyń Jedel tabyna silteme jasap habarlaidy.
Tórt azamattyń ekeýi — 1972 jáne 1993 jyly týǵan azamattar ózderine deiin virýsty juqtyrǵan adamdardyń kórshileri, qalǵan ekeýi — 1975 jáne 1998 jylǵy azamattar buǵan deiin koronavirýsty juqtyrǵan adamdarmen jaqyn qarym-qatynasta bolǵan.
PTR diagnostikalyq zertteý qorytyndysy boiynsha 4 adamnan da COVID-19 diagnozy rastaldy. Qazirgi tańda naýqastardyń jaǵdaiy qanaǵattanarlyq, densaýlyǵyna shaǵymy joq. Atalǵan azamattar oqshaýlandy jáne tiisti em-dom qabyldap jatyr.
Olardyń qatynasqan adamdaryn anyqtap, oqshaýlaý jumystary qolǵa alynǵan. Aýrý oshaqtarynda zararsyzdandyrý jumystary júrgizildi.
Qazirgi tańda Qostanai oblysynda koronavirýs juqtyrǵan 19 adam bar.
