Foto: Polisia.kz
Qarly boran men kóktaiǵaq saldarynan Qostanai oblysynyń joldarynda aýyr júk jáne qoǵamdyq kólikter úshin qozǵalys shektelgen. Shekteýler tórt oblystyq jáne eki respýblikalyq mańyzy bar jolda engizildi, dep habarlaidy Ult.kz.
Qazirgi ýaqytta Oktiabr kenti men Áýliekól arasyndaǵy avtojolda Aqmola oblysynan kele jatqan fýralar, Kamazdar, Gazelder men avtobýstardy qosa alǵanda 174 aýyr júk kóligi turyp qalǵan.
"Máselen, politsiia qyzmetkerleri Qyrǵyzstannan Reseige bara jatqan avtobýsty toqtatty. Salonda 4 bala, 5 áiel jáne 42 er adam boldy. Aýa raiynyń nasharlaýyna bailanysty kólik qozǵalysy qaýipti bolyp, jolaýshylar jergilikti mekteptiń jylytý pýnktine ornalastyrylyp, olardy sýsynmen, tamaqpen jáne túneitin orynmen qamtamasyz etti", - delingen habarlamad.
Blokposttardaǵy jol qaýipsizdigin patrýldik politseiler, TJD, "QazAvtoJol" UK" AQ qyzmetkerleri jáne jergilikti bilik qamtamasyz etýde.
