Qostanai oblysyndaǵy aýyldardyń birinen eki zeinetkerdiń máiiti tabyldy.
Bul týraly Qostanai oblysy politsiia departamentiniń baspasóz qyzmeti habarlady.
«1 naýryz kúni saǵat 11:00-de Altynsarin aýdanynyń politsiia bóliminiń kezekshi bólimine Altynsarin aýdanynyń Sherbakovo aýylyndaǵy jeke úiden 84 jastaǵy er adamnyń jáne 75 jastaǵy áieldiń máiiti tabylǵany týraly habarlama tústi. Atalǵan faktini politsiia qyzmetkerleri QR QK 99 - babynyń 2-bóligi 1, 7, 8, 192-tarmaqtarynyń 3-bóligi 4-tarmaǵy boiynsha tirkegen», - dep habarlady politsiiadan.
Oqiǵa ornyna jedel-tergeý toby, oblystyq politsiia departamentiniń basshylyǵy shyqty.
Jedel-izdestirý sharalaryn júrgizý barysynda 31 jáne 32 jastaǵy kúdiktiler anyqtalyp, ustaldy.
Olardyń biri zardap shekkenderdi jaqsy biletin bolyp shyqty. Sebebi buryn osy aýylda turǵan.
Kúdiktiler oblys ortalyǵynan aýylǵa zeinetkerlerdi tonaý maqsatynda kelgen. Aqsha talap etken er adamdar zeinetkerlerdi pyshaqtap ketken.
Qazirgi ýaqytta sotqa deiingi tergeý jalǵasýda.
Kúdiktiler ýaqytsha ustaý izoliatoryna qamaldy.
