Foto: ashyq derekkóz
Qostanai oblystyq densaýlyq saqtaý basqarmasy basshysynyń orynbasary Erbolat Dospanov qamaýǵa alyndy. Bul týraly aqparatty Ulttyq qaýipsizdik komitetiniń oblystyq departamenti rastady, dep habarlaidy Ult.kz.
Vedomstvonyń málimetinshe, Dospanov laýazymdyq ókilettigin teris paidalandy degen kúdikke ilingen.
«QR UQK Qostanai oblysy boiynsha departamenti oblystyq densaýlyq saqtaý basqarmasy basshysynyń orynbasary E. Dospanovty ustady. Ol qyzmet babyn asyra paidalanǵan degen kúdik bar», – delingen resmi habarlamada.
Qazir tergeý amaldary júrip jatyr. Qylmystyq-protsestik kodekstiń 201-babyna sáikes, tergeý múddesine bailanysty ózge málimetter jariialanbaidy.
