Qazaqstannyń Qostanai oblysynda «qysqartylatyn» eldi mekenderde turatyn halyq sany elý adamnan aspaidy. Sondyqtan atalǵan oblysta bes aýyl joiylady. Máslihat depýtattary osyndai sheshimge keldi, – dep habarlaidy Alau.kz óńirlik basylymy.
Qostanai oblysy máslihatynyń kezekten tys sessiiasynda depýtattar oblystyń ákimshilik-territoriialyq qurylymyn ózgertýge daýys berdi.
Osylaisha, Qostanai, Denisov, Áýliekól jáne Qarasý aýdandaryndaǵy bes aýyl qysqartylady dep sheshildi. Endi Qostanai oblysynyń kartasynan Ianýshevka, Chebendovka, Kirov, Bratskoe men Kúlensai aýyldary syzylyp tastaidy.
Sheneýnikterdiń málimetinshe, bul aýyldarda elýden az adam turady.
Máslihattyń eldi mekenderdi joiý týraly sheshimi kúshine engennen keiin onda qalǵan turǵyndar sol mańdaǵy aýyldarǵa qaraidy.
Buǵan deiin osyǵan uqsas jaǵdai Shyǵys Qazaqstan oblysynda bolǵan. Qyrkúiekte ekonomikalyq turǵydan keleshegi joq dep tanylǵan segiz aýyldyń joiylatyny týraly belgili boldy. Mysaly, Kókpekti aýdynanyń Komsomol aýylynda 18 adam tursa, Kishi Bóken aýylynda bar-joǵy úsh adam turady.
Jergilikti biliktiń pikirinshe, bundai shaǵyn eldi mekenderde qajetti infraqurylym joq, al olardy damytý ekonomikalyq jaǵynan tiimsiz.
