قازاقستاننىڭ قوستاناي وبلىسىندا «قىسقارتىلاتىن» ەلدٸ مەكەندەردە تۇراتىن حالىق سانى ەلۋ ادامنان اسپايدى. سوندىقتان اتالعان وبلىستا بەس اۋىل جويىلادى. مەسليحات دەپۋتاتتارى وسىنداي شەشٸمگە كەلدٸ, – دەپ حابارلايدى Alau.kz ٶڭٸرلٸك باسىلىمى.
قوستاناي وبلىسى مەسليحاتىنىڭ كەزەكتەن تىس سەسسيياسىندا دەپۋتاتتار وبلىستىڭ ەكٸمشٸلٸك-تەرريتورييالىق قۇرىلىمىن ٶزگەرتۋگە داۋىس بەردٸ.
وسىلايشا, قوستاناي, دەنيسوۆ, ەۋليەكٶل جەنە قاراسۋ اۋداندارىنداعى بەس اۋىل قىسقارتىلادى دەپ شەشٸلدٸ. ەندٸ قوستاناي وبلىسىنىڭ كارتاسىنان يانۋشەۆكا, چەبەندوۆكا, كيروۆ, براتسكوە مەن كٷلەنساي اۋىلدارى سىزىلىپ تاستايدى.
شەنەۋنٸكتەردٸڭ مەلٸمەتٸنشە, بۇل اۋىلداردا ەلۋدەن از ادام تۇرادى.
مەسليحاتتىڭ ەلدٸ مەكەندەردٸ جويۋ تۋرالى شەشٸمٸ كٷشٸنە ەنگەننەن كەيٸن وندا قالعان تۇرعىندار سول ماڭداعى اۋىلدارعا قارايدى.
بۇعان دەيٸن وسىعان ۇقساس جاعداي شىعىس قازاقستان وبلىسىندا بولعان. قىركٷيەكتە ەكونوميكالىق تۇرعىدان كەلەشەگٸ جوق دەپ تانىلعان سەگٸز اۋىلدىڭ جويىلاتىنى تۋرالى بەلگٸلٸ بولدى. مىسالى, كٶكپەكتٸ اۋدىنانىڭ كومسومول اۋىلىندا 18 ادام تۇرسا, كٸشٸ بٶكەن اۋىلىندا بار-جوعى ٷش ادام تۇرادى.
جەرگٸلٸكتٸ بيلٸكتٸڭ پٸكٸرٸنشە, بۇنداي شاعىن ەلدٸ مەكەندەردە قاجەتتٸ ينفراقۇرىلىم جوق, ال ولاردى دامىتۋ ەكونوميكالىق جاعىنان تيٸمسٸز.
