Qostanai oblysy men Resei Federatsiiasynyń shekarasynda órt shyqty, dep habarlaidy "Ult aqparat" oblystyq TJD baspasóz qyzmetine silteme jasap.
Qarabalyq aýdanynyń Taldy aýylynan 10 shaqyrym jerde qurǵaq shóp órtengen. Qyzyl jalyn jaqyn mańdaǵy qaiyń men kókterek shoǵyryn sharpyǵan.
«Órt Mihailovka orman sharýashylyǵy mekemesiniń aýmaǵynda bastalǵan. 250 gektar alqapty sharpyǵan órtke qaýiptiń 5 deńgeii berildi. Órt RF Cheliabi oblysynyń shekaralyq aýmaǵyna ótip ketken. Biraq halyq turatyn eldi mekenderge qaýip tónbegen», - delingen TJD baspasóz habarlamasynda.
Órt sóndirý jumystary 1 tamyzda bastalyp, 7 tamyzda tolyǵymen aiaqtaldy.
