قوستاناي وبلىسى مەن رەسەي فەدەراتسيياسىنىڭ شەكاراسىندا ٶرت شىقتى, دەپ حابارلايدى "ۇلت اقپارات" وبلىستىق تجد باسپاسٶز قىزمەتٸنە سٸلتەمە جاساپ.
قارابالىق اۋدانىنىڭ تالدى اۋىلىنان 10 شاقىرىم جەردە قۇرعاق شٶپ ٶرتەنگەن. قىزىل جالىن جاقىن ماڭداعى قايىڭ مەن كٶكتەرەك شوعىرىن شارپىعان.
«ٶرت ميحايلوۆكا ورمان شارۋاشىلىعى مەكەمەسٸنٸڭ اۋماعىندا باستالعان. 250 گەكتار القاپتى شارپىعان ٶرتكە قاۋٸپتٸڭ 5 دەڭگەيٸ بەرٸلدٸ. ٶرت رف چەليابٸ وبلىسىنىڭ شەكارالىق اۋماعىنا ٶتٸپ كەتكەن. بٸراق حالىق تۇراتىن ەلدٸ مەكەندەرگە قاۋٸپ تٶنبەگەن», - دەلٸنگەن تجد باسپاسٶز حابارلاماسىندا.
ٶرت سٶندٸرۋ جۇمىستارى 1 تامىزدا باستالىپ, 7 تامىزدا تولىعىمەن اياقتالدى.
