Qostanai oblysynda eki 6 jasar bala jumbaq jaǵdaida qaitys boldy, - dep habarlaidy Massaget.kz portaly.
Politsiia osy is boiynsha sotaldy tergeýdi bastady. "Nasha Gazeta" málimetinshe, mesendjerlerde áiel adam eki balanyń ólimine esirtki sebep bolýy múmkin ekeni aitylyp jatqan aýdio taraǵan.
"Úsh kún buryn áiel eki balasymen dúkenge barǵan, balalar syrtta qalǵan. Úige kelgen kezde balalardyń qolynda belgisiz er adam bergen kámpit bolǵan. Keshke uiyqtar kezde uldary aiǵailap, kúle bastaǵan. Áiel balalaryn kóterse, olar ózdiginen tura almaǵan. Osylaisha balalardy jedel járdem alyp ketken, biraq kelesi kúni olar úiine jiberilgen. Sol kúni eki bala jumbaq jaǵdaida qaitys bolǵan", - dep jazady basylym.
Al "Alaý" basylymynyń málimetinshe, dárigerler balalar ýlanyp qalǵan bolýy múmkin ekenin aitady. Qostanai oblysy densaýlyq saqtaý basqarmasynyń baspasóz hatshysy Kseniia Jylqybaevanyń sózinshe, balalardyń ólim sebebin sarapshylar anyqtaidy.
"Onyń ishinde, ýlanýǵa qatysty saraptama da taǵaiyndaldy. Ýlanyp qalýy da múmkin. Qazirdiń ózinde qajet material alyndy. Toksikologiialyq saraptamanyń nátijesi 12-14 kúnnen keiin belgili bolady", - deidi Kseniia Jylqybaeva.
