Foto: Polisia.kz
Qostanai oblysynyń prokýratýrasymen oblystyń ózge quqyq qorǵaý jáne ýákiletti organdarymen birlesip meditsinalyq qurylǵylardy satyp alý salasyndaǵy sybailas-jemqorlyq shemasy anyqtaldy.
Meditsinalyq uiymdarmen qajettiligi tómen qurylǵylardy qymbatyraq baǵaǵa satyp alý faktileri áshkerelendi.
«Keltirilgen shyǵynnyń somasy 2 mlrd teńgeden asty. Tergeý sheńberinde Qostanai oblysy ákimdiginiń densaýlyq saqtaý basqarmasynyń buryńǵy basshysy men qyzmet atqaryp jatqan orynbasary, aýdan aýrýhanasynyń bas dárigeri jáne qurylǵylardy usynǵan ónim berýshi ustaldy», — delingen habarlamada.
Atalǵan faktiler boiynsha Qostanai oblysy prokýratýra organdarymen qylmystyq ister tirkeldi.
Tergeý jalǵasyp jatyr. Ózge málemetter Qylmystyq-protsesstik kodeksiniń 201 babyna sáikes jariialaýǵa jatpaidy.
