Búginnen bastap Qostanai oblysynyń perimetri boiynsha 18 mobildi beket qoiyldy.
Bul týraly Qostanai oblysy Politsiia departamenti jergilikti politsiia qyzmeti basqarmasy bastyǵynyń orynbasary Vitalii Tsoi túsindirdi, dep habarlaidy "Ult aqparat".
Vitalii Tsoi aimaqta karantindik sharalardy qatańdatýdyń qalai júrgiziletini týraly túsinikteme berdi.
«Búgin Qostanai oblysynyń bas sanitariialyq dárigeriniń qaýlysy jariialandy, oǵan sáikes oblys aýmaǵynda qosymsha shekteý sharalary júrgizilýde. Qaýly boiynsha turǵyndar Rýdnyi jáne Qostanai qalalaryna emin-erkin kirip-shyǵa almaidy. Oblysta osy baqylaýdy júzege asyratyn 20 sanitarlyq beket jumys isteidi. 17 qarashadan bastap oblys ortalyǵynda jáne Rýdnyi qalasynda aýdan turǵyndarynyń qozǵalysyn shekteý úshin ár aýdan aýmaǵynda 18 mobildi beket qoiyldy. Bul qalalarǵa kirýge tek tranzittik kólikterge ǵana ruqsat etiledi», - deidi V.Tsoi.
Vitalii Tsoi aitqandai, Rýdnyi jáne Qostanai qalalalarynan bólek, basqa aýdandar arasyndaǵy qozǵalys kedergisiz júredi. Barlyq aýdan-qalalardaǵy taksidiń jumysy 22.00-den 6.00-ge deiin shektelgen.
