Qostanai oblysynyń Tótenshe jaǵdailar departamentiniń qyzmetkerleri turǵyndardy qar qursaýynan qutqarý jumystaryn jalǵastyrýda, dep habarlaidy "Ult aqparat".
TJD baspasóz qyzmetiniń málimetine súiensek, Vveden tas jolynyń boiyndaǵy Boris-Romanov aýylynan 60 shaqyrym jerde «Kamaz» kóligi qarǵa batyp qalǵan. «112» nómirine habar kelip túsisimen oqiǵa ornyna jetken jedel jasaq kólikti arnaiy tehnikamen súirep shyǵardy.
«Kóliktegi adamdar jaqyn mańdaǵy aýylǵa jetkizildi. Sol kúni Maialap eldi mekeniniń qasynda 9 adam qar qursaýynan shyǵaryldy. Zardap shekkender joq. Olarǵa tiisti járdem kórsetildi. Nadejdinka aýylyndaǵy jolda 4 adam qutqaryldy»-, dep habarlaidy vedomstvonyń baspasóz qyzmeti.
