قوستاناي وبلىسىنىڭ تٶتەنشە جاعدايلار دەپارتامەنتٸنٸڭ قىزمەتكەرلەرٸ تۇرعىنداردى قار قۇرساۋىنان قۇتقارۋ جۇمىستارىن جالعاستىرۋدا, دەپ حابارلايدى "ۇلت اقپارات".
تجد باسپاسٶز قىزمەتٸنٸڭ مەلٸمەتٸنە سٷيەنسەك, ۆۆەدەن تاس جولىنىڭ بويىنداعى بوريس-رومانوۆ اۋىلىنان 60 شاقىرىم جەردە «كاماز» كٶلٸگٸ قارعا باتىپ قالعان. «112» نٶمٸرٸنە حابار كەلٸپ تٷسٸسٸمەن وقيعا ورنىنا جەتكەن جەدەل جاساق كٶلٸكتٸ ارنايى تەحنيكامەن سٷيرەپ شىعاردى.
«كٶلٸكتەگٸ ادامدار جاقىن ماڭداعى اۋىلعا جەتكٸزٸلدٸ. سول كٷنٸ مايالاپ ەلدٸ مەكەنٸنٸڭ قاسىندا 9 ادام قار قۇرساۋىنان شىعارىلدى. زارداپ شەككەندەر جوق. ولارعا تيٸستٸ جەردەم كٶرسەتٸلدٸ. نادەجدينكا اۋىلىنداعى جولدا 4 ادام قۇتقارىلدى»-, دەپ حابارلايدى ۆەدومستۆونىڭ باسپاسٶز قىزمەتٸ.
