Búgin Qostanai oblysynyń ákimi Arhimed Muhambetov koronavirýstyq infektsiianyń taralýyna jol bermeý boiynsha jedel shtabtyń otyrysyn ótkizdi, dep habarlaidy "Ult aqparat" oblys ákiminiń baspasóz qyzmetine silteme jasap.
Keńes barysynda koronavirýsqa qarsy vaktsinatsiiany uiymdastyrý máselesi qarastyryldy. 2021 jyldyń 1 aqpanynda koronavirýsqa qarsy vaktsinalar Qazaqstan boiynsha taratylady. Sonyń ishinde Qostanai oblysyna ákelinetin vaktsinanyń birinshi partiiasy 1300 danany quraidy.
Vaktsinatsiialaý úshin adamdar kontingenti anyqtaldy. Olar: infektsiialyq statsionarlardyń, jedel meditsinalyq kómektiń, reanimatsiia jáne qarqyndy terapiia bólimsheleriniń, alǵashqy meditsinalyq-sanitariialyq kómek uiymdarynyń, statsionarlardyń qabyldaý bólmeleriniń, sanepidqyzmettiń qyzmetkerleri.
Meditsinalyq uiymdardyń janynda vaktsinatsiia kabinetteri daiyndaldy, sondai-aq kóshpeli mobildi toptar quryldy. Óńirde senbi jáne jeksendi kúnderi aýdany 2 myńnan asatyn azyq-túlik emes saýda nysandary men jabyq azyq-túlik bazarlarynyń jumysy toqtaidy. Buǵan qosa SPA ortalyqtardyń, sport nysandarynyń qyzmetine, qoǵamdyq kólik qozǵalysyna ýaqytsha tyiym salyndy.
Keńes qorytyndysy boiynsha Arhimed Muhambetov KVI-nyń odan ári taralýyna jol bermeý sharalaryn jalǵastyrýdy, sondai-aq halyqqa vaktsinatsiia júrgizý boiynsha túsindirý jumystaryn júrgizýdi tapsyrdy.
