Qostanai oblysy aýmaǵynda 2020 jylǵy 17 sáýirde saǵat 00:00-den bastap karantin rejimi engiziledi. Bul týraly Taýarlar men qyzmetterdiń sapasy men qaýipsizdigin baqylaý departamentiniń basshysy Oral Bekmaǵambetov aitty, dep habarlaidy QazAqparat tilshisi.
«Qostanai oblysy aýmaǵynda 2020 jylǵy 17 sáýirde saǵat 00:00-den bastap karantin rejimi engiziledi. Koronavirýsqa qatysty epidemiologiialyq jaǵdaidyń shielenisýine bailanysty aýrýdyń aldyn alý maqsatynda Qostanai oblysynyń bas meditsinalyq sanitarlyq dárigeri oblys aýmaǵyna karantin engizý týraly qaýly shyǵardy», - deidi Oral Bekmaǵambetov onlain brifingte.
Onyń aitýynsha, Qostanai oblysyn Mysyrdan aýrý juqtyryp kelgen úsh adam qazirgi ýaqytta emdelip jatyr.
«Oblys boiynsha koronavirýstan 75 jastaǵy adam kóz jumdy. Bizdiń departament adamdardy koronavirýstan qorǵaý úshin profilaktikalyq sharany qolǵa alyp jatyr. Búgingi tańda oblys boiynsha 2500-den astam adam karantinde. Búgingi tańda eń aldymen koronavirýsqa uqsas belgileri bar adamdar tekseristen ótedi. Olar ókpe qabynýy bar, sozylmaly dertteri bar jáne aýrý juqtyrǵandarmen bailanysta bolǵan adamdar», - deidi ol.
