قوستاناي وبلىسى اۋماعىندا 2020 جىلعى 17 سەۋٸردە ساعات 00:00-دەن باستاپ كارانتين رەجيمٸ ەنگٸزٸلەدٸ. بۇل تۋرالى تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى ورال بەكماعامبەتوۆ ايتتى, دەپ حابارلايدى قازاقپارات تٸلشٸسٸ.
«قوستاناي وبلىسى اۋماعىندا 2020 جىلعى 17 سەۋٸردە ساعات 00:00-دەن باستاپ كارانتين رەجيمٸ ەنگٸزٸلەدٸ. كوروناۆيرۋسقا قاتىستى ەپيدەميولوگييالىق جاعدايدىڭ شيەلەنٸسۋٸنە بايلانىستى اۋرۋدىڭ الدىن الۋ ماقساتىندا قوستاناي وبلىسىنىڭ باس مەديتسينالىق سانيتارلىق دەرٸگەرٸ وبلىس اۋماعىنا كارانتين ەنگٸزۋ تۋرالى قاۋلى شىعاردى», - دەيدٸ ورال بەكماعامبەتوۆ ونلاين بريفينگتە.
ونىڭ ايتۋىنشا, قوستاناي وبلىسىن مىسىردان اۋرۋ جۇقتىرىپ كەلگەن ٷش ادام قازٸرگٸ ۋاقىتتا ەمدەلٸپ جاتىر.
«وبلىس بويىنشا كوروناۆيرۋستان 75 جاستاعى ادام كٶز جۇمدى. بٸزدٸڭ دەپارتامەنت ادامداردى كوروناۆيرۋستان قورعاۋ ٷشٸن پروفيلاكتيكالىق شارانى قولعا الىپ جاتىر. بٷگٸنگٸ تاڭدا وبلىس بويىنشا 2500-دەن استام ادام كارانتيندە. بٷگٸنگٸ تاڭدا ەڭ الدىمەن كوروناۆيرۋسقا ۇقساس بەلگٸلەرٸ بار ادامدار تەكسەرٸستەن ٶتەدٸ. ولار ٶكپە قابىنۋى بار, سوزىلمالى دەرتتەرٸ بار جەنە اۋرۋ جۇقتىرعاندارمەن بايلانىستا بولعان ادامدار», - دەيدٸ ول.
