Arhimed Muhambetov qostanailyq «Tobyldyń» fýtbolshylaryna syiaqy taǵaiyndaǵan joq. Bul týraly komanda kapitany Azat Nurǵaliev aityp berdi, dep habarlaidy "Ult aqparat" «Tobyldyń» resmi saityna silteme jasap.
Áleýmettik jelilerde Qostanai oblysynyń ákimi Arhimed Muhambetovtiń fýtbolshylardy aldap ketkeni týraly habarlamalar tarady. Osyǵan bailanysty «Tobyldyń» kapitany Azat Nurǵaliev pikir bildirdi. Onyń aitýynsha, óńir basshysy fýtbolshylardyń kúndelikti usaq-túiekterge alańdamai, tek fýtbolǵa nazar aýdarýy úshin kóp jumys jasaǵan.
«Osyndai qiyn ýaqytta basshylyqtyń qoldaýynsyz kúrdeli mindetterdi sheshý múmkin emes ekenin túsinemiz. Sol sebepti oiynshylardyń kúndelikti usaq-túiekterge alańdamai, tek fýtbolǵa nazar aýdarýy úshin kóp jumys jasaldy. Osy jetistikke Qostanai oblysynyń ákimi Arhimed Muhambetovtiń qosqan úlesin erekshe atap ótkim keledi. Biz Arhimed Begejanulynyń qoldaýyn, tipti qatań karantin kezinde de, basqa klýbtarda qarjylyq problemalar týyndaǵan kezde de sezindik. Maýsym barysynda jalaqy men syilyqaqylar árdaiym kidirissiz tólendi, bul psihologiialyq turǵydan óte mańyzdy. Jaqynda internetten bizge ekinshi oryn úshin syiaqy berilýi kerek bolǵanyn, keiin basshylyqtyń aldap ketkenin oqydyq. Mundaidyń biri de bolǵan joq! Dál qazirgi ýaqytta komandalastarymnyń bireýi de «Tobylǵa» qarjylyq jaǵynan shaǵym aita almaidy. Kelisim-shart boiynsha ýaqytyly jalaqymyzdy alyp otyrdyq», - deidi Azat Nurǵaliev.
Sondai-aq, chempionattyń sońǵy týrynda Arhimed Muhambetov «Tobyl» komandasyn vitse-chempiondyq ataǵymen quttyqtap, beinebailanysqa shyqqan.
