ارحيمەد مۇحامبەتوۆ قوستانايلىق «توبىلدىڭ» فۋتبولشىلارىنا سىياقى تاعايىنداعان جوق. بۇل تۋرالى كوماندا كاپيتانى ازات نۇرعاليەۆ ايتىپ بەردٸ, دەپ حابارلايدى "ۇلت اقپارات" «توبىلدىڭ» رەسمي سايتىنا سٸلتەمە جاساپ.
ەلەۋمەتتٸك جەلٸلەردە قوستاناي وبلىسىنىڭ ەكٸمٸ ارحيمەد مۇحامبەتوۆتٸڭ فۋتبولشىلاردى الداپ كەتكەنٸ تۋرالى حابارلامالار تارادى. وسىعان بايلانىستى «توبىلدىڭ» كاپيتانى ازات نۇرعاليەۆ پٸكٸر بٸلدٸردٸ. ونىڭ ايتۋىنشا, ٶڭٸر باسشىسى فۋتبولشىلاردىڭ كٷندەلٸكتٸ ۇساق-تٷيەكتەرگە الاڭداماي, تەك فۋتبولعا نازار اۋدارۋى ٷشٸن كٶپ جۇمىس جاساعان.
«وسىنداي قيىن ۋاقىتتا باسشىلىقتىڭ قولداۋىنسىز كٷردەلٸ مٸندەتتەردٸ شەشۋ مٷمكٸن ەمەس ەكەنٸن تٷسٸنەمٸز. سول سەبەپتٸ ويىنشىلاردىڭ كٷندەلٸكتٸ ۇساق-تٷيەكتەرگە الاڭداماي, تەك فۋتبولعا نازار اۋدارۋى ٷشٸن كٶپ جۇمىس جاسالدى. وسى جەتٸستٸككە قوستاناي وبلىسىنىڭ ەكٸمٸ ارحيمەد مۇحامبەتوۆتٸڭ قوسقان ٷلەسٸن ەرەكشە اتاپ ٶتكٸم كەلەدٸ. بٸز ارحيمەد بەگەجانۇلىنىڭ قولداۋىن, تٸپتٸ قاتاڭ كارانتين كەزٸندە دە, باسقا كلۋبتاردا قارجىلىق پروبلەمالار تۋىنداعان كەزدە دە سەزٸندٸك. ماۋسىم بارىسىندا جالاقى مەن سىيلىقاقىلار ەردايىم كٸدٸرٸسسٸز تٶلەندٸ, بۇل پسيحولوگييالىق تۇرعىدان ٶتە ماڭىزدى. جاقىندا ينتەرنەتتەن بٸزگە ەكٸنشٸ ورىن ٷشٸن سىياقى بەرٸلۋٸ كەرەك بولعانىن, كەيٸن باسشىلىقتىڭ الداپ كەتكەنٸن وقىدىق. مۇندايدىڭ بٸرٸ دە بولعان جوق! دەل قازٸرگٸ ۋاقىتتا كوماندالاستارىمنىڭ بٸرەۋٸ دە «توبىلعا» قارجىلىق جاعىنان شاعىم ايتا المايدى. كەلٸسٸم-شارت بويىنشا ۋاقىتىلى جالاقىمىزدى الىپ وتىردىق», - دەيدٸ ازات نۇرعاليەۆ.
سونداي-اق, چەمپيوناتتىڭ سوڭعى تۋرىندا ارحيمەد مۇحامبەتوۆ «توبىل» كومانداسىن ۆيتسە-چەمپيوندىق اتاعىمەن قۇتتىقتاپ, بەينەبايلانىسقا شىققان.
