Z. Aldamjar atyndaǵy Qostanai áleýmettik-tehnikalyq ýniversiteti jabylatyn boldy, dep habarlaidy Bilim jáne ǵylym ministrliginiń baspasóz qyzmeti.
Buǵan deiin QR BǴM Bilim jáne ǵylym salasyndaǵy sapany qamtamasyz etý komitetine ýniversitet qyzmetkerlerinen shaǵymdar kelip túsken bolatyn. Bul ýniversitette jospardan tys tekserý júrgizýge sebep boldy. Nátijesinde komissiia tekserý paraǵynyń 46 tarmaǵynyń 35-i boiynsha zańsyzdyqtardy anyqtady.
«Bizdiń basty mindetimiz – elimizde bilim men kadrlar daiarlaýdyń sapasyn arttyrý. Eger búgin ýniversitetter tiisti talaptarǵa sai bolmasa, onda erteń bilimi men biliktiligi jumys berýshilerdiń suranysyna sai kelmeitin mamandardy shyǵaramyz. Árine, tekserý jáne litsenziiany qaitaryp alý – bul sapaly bilim berýdi emes, tek paida tabýdy birinshi orynǵa qoiatyndar úshin tiimsiz shara. Ministrlik birinshi tekserýden keiin JOO basshylyǵyna buzýshylyqtardy joiýǵa ýaqyt beredi, biraq kóbinese olar sot talqylaýlaryna ýaqyt jumsaýdy jón sanap, kemshilikti joiýǵa asyqpaidy. Árine, bul ýniversitettiń jabylý ýaqytyn edáýir keshiktirip, stýdentterden tólem túrinde kiris alýǵa múmkindik beredi», - dep aitty QR BǴM Bilim jáne ǵylym salasyndaǵy sapany qamtamasyz etý komiteti tóraǵasynyń orynbasary Mánshúk Ábdikárim.
Onyń aitýynsha, ýniversitet qyzmetine qatysty shaǵymdar 2020 jyldan bastap túse bastaǵan.
Aita keteiik, tekserý nátijelerine ýniversitet shaǵym túsirdi, alaida birinshi jáne ekinshi satydaǵy sottardyń sheshimderimen komitettiń tekserý nátijeleri boiynsha barlyq ákimshilik akti ózgerissiz qaldyrylyp, ýniversitettiń shaǵymdary qanaǵattandyrylmady. Endi ony Joǵarǵy sot qaraidy.
Sonymen qatar komitettiń sheshimimen ýniversitet bas litsenziiasynan aiyryldy. Bul sheshimge qatysty da ýniversitet tarapy sotqa shaǵymdandy.
