kollaj: Tengrinews.kz
Áleýmettik jelilerde páterlerdi muz basqan kadrlar paida bolǵan edi. Qostanai ákimi osy jaitqa qatysty pikir bildirdi, - dep habarlaidy Massaget.kz portaly Alau.kz-ke silteme jasap.
Basylym málimetinshe, Marat Júndibaev bul oqiǵanyń sebebi Maevskii kranynyń atqylaýy ekenin atap ótken. Biraq bul jait paidalanýǵa berilgen úide emes, salynyp jatqan úide bolǵan. Al Qostanai ákimi sheneýnikterdi mundai jazbalarǵa jedel jaýap berýge shaqyrdy.
"Salynyp jatqan úide boldy, paidalanýǵa berilmegen úi. Merdigerge qatysty problemalar bar, qazir jańa merdiger izdep jatyrmyz. Belgili bir ýaqyt aralyǵynda osy úidiń qaýipsizdigine jaýap beretin kúzet agenttiginiń ýaqyty bitti. Tiisinshe, osyndai boldy. Ol jerde batareiadan sý aǵa bastaǵany anyq. Aiaz boldy, sondyqtan solai boldy. 2-3 páter. Biraq onda, shyn máninde, qorqatyn eshteńe bolǵan joq. Adamdar turatyn jerge olar birden nazar aýdarady. Munda salynyp jatqan úi, ishi bos. Tiisinshe qaraýsyz qaldy", - dedi Qostanai ákimi Marat Júndibaev.
Eske salaiyq, buǵan deiin Qostanaidaǵy Qonai yqshamaýdanyndaǵy áli tapsyrylmaǵan páterlerdi muz basqany habarlanǵan bolatyn.
