Germaniianyń Frankfýrt qalasynda ótip jatqan Frankfurter Buchmesse 2025 halyqaralyq kitap kórmesinde qazaq mádenietiniń jańa jobasy – «Kóshpendiler oiyny» kitabynyń tusaýkeseri ótti. Avtory - Qymbat Qaraeva.
Bul eńbek – ulttyq rýh pen zamanaýi kózqarastyń úilesimin kórsetetin erekshe týyndy. Kitapta kóshpeli órkeniettiń dúnietanymy men búgingi qoǵam arasyndaǵy parallel beinelenip, dástúr qazirgi formatta jańa tynys tapqan.
Qazaqstan pavilony jáne ministrliktiń qoldaýy
Qazaqstan biyl ekinshi jyl qatarynan Frankfýrt kórmesine ulttyq stendpen qatysyp otyr. Bul — elimizdiń Mádeniet jáne aqparat ministrliginiń mádeni saiasattaǵy jańa baǵytynyń nátijesi.
Ministrliktiń bastamasymen Qazaqstannyń jetekshi baspalaryna álemdik deńgeide óz ónimderin tanystyrýǵa múmkindik jasaldy. Bul — mádeni kontentti eksporttaý jáne ulttyq ideiany halyqaralyq aýditoriiaǵa usyný isindegi júieli ári mańyzdy qadam.
Qatysqan qazaqstandyq baspalar
Biylǵy kórmede Qazaqstannan Arman-PV, Mektep, Atamura, Almatykitap, Step & World, Mazmundama jáne basqa da jetekshi baspalar qatysty.
Barlyǵy da ulttyq mazmundy zamanaýi formatta usynýǵa umtylǵan uiymdar retinde erekshe kórindi.
Olardyń ishinde Arman-PV baspasynyń pavilony erekshe nazarǵa ilikti - munda jańa kitaptar men mádeni jobalar usynylyp, oqyrman men sarapshylardyń oń baǵasyn aldy.
Didara Alina: «Mádenietti jańa deńgeige shyǵarý – bizdiń jaýapkershilik»
Arman-PV baspasynyń bas direktory Didara Alina prezentatsiia barysynda óz oiyn bylai jetkizdi:
«Mádeniet – bizdiń imidjimizdiń ainasy.
Sondyqtan biz úshin basty maqsat — qazaq mádenietin tek tanystyrý emes, ony jańa deńgeige shyǵarý. Bul kórme sol múmkindikti berip otyr. Búgin mine, kópten beri oida júrgen «Kóshpendiler oiyny» kitabyn ákelip tanystyrdyq.
Arman-PV ujymy mádeni ónimdi sapaly, oily, álemge laiyq formatta usyný úshin jumys isteidi. Osyndai jobalarǵa qoldaý kórsetken Mádeniet jáne aqparat ministrligine alǵys bildiremin — bul elimizdiń rýhani brendine salynǵan naqty investitsiia.»
Sheteldik sarapshy pikiri
Frankfýrt kórmesiniń qatysýshylary arasynda Leiden ýniversitetiniń (Niderland) mádeni zertteýler kafedrasynyń professory Frederik Iansen de boldy. Ol qazaq baspa indýstriiasynyń damý baǵytyna erekshe nazar aýdarǵanyn aitty:
«Men birneshe jyldan beri Ortalyq Aziiadaǵy baspa naryǵyn zerttep kelemin.
Sońǵy ýaqytta Qazaqstanda erekshe serpin baiqalady — mazmun, sapa, vizýal mádeniet turǵysynan da aitarlyqtai progress bar.
Qazaq baspalarynyń jumysy qazirgi álemdik talaptarǵa sai. Bul – kásibilik pen mádeni jaýapkershiliktiń kórinisi.»
Qazaq mádenietiniń jańa belesi
Frankfýrttaǵy tusaýkeser – Qazaqstan mádenietiniń halyqaralyq deńgeidegi jańa kezeńin aiqyndaǵan mańyzdy sát.
Búgingi tańda qazaq mádenieti tek mura retinde emes, zamanaýi ideialar men intellektýaldyq izdenistiń bir bóligi retinde tanylyp keledi.
«Kóshpendiler oiyny» kitaby – dástúr men innovatsiiany ushtastyra otyryp, Qazaqstannyń mádeni áleýetin álemdik keńistikke tanytqan joba.
Bul – ulttyq mádeniettiń jańa tynysy, zamanaýi rýh pen progressivti oidyń kórinisi.
