Kóshi-qon salasyndaǵy 20 fýnktsiia Ishki ister ministrliginen Eńbek jáne áleýmettik qorǵaý ministrligine berildi, dep habarlaidy QazAqparat.
Bul týraly QR Ishki ister ministrliginiń baspasóz qyzmeti málim etti.
«2022 jylǵy qańtardan bastap QR Prezidenti Jarlyǵymen kóshi-qon salasyndaǵy 20 fýnktsiia Ishki ister ministrliginen Eńbek jáne halyqty áleýmettik qorǵaý ministrligine berildi. Ol úshin Eńbek kodeksine, «Bosqyndar týraly», «Halyqtyń kóshi-qony týraly», «Jeke basty kýálandyratyn qujattar týraly» jáne «Ishki ister organdary týraly» zańdarǵa ózgerister engizildi», - dep jazylǵan ministrliktiń baspasóz qyzmeti usynǵan aqparatta.
Bul fýnktsiialardyń arasynda eńbek immigranttaryna ruqsat berý, bosqyndarmen jumys, halyqtyń kóshi-qony salasyndaǵy vedomstvoaralyq úilestirý jumystaryn júzege asyrý, kóshi-qon protsesteriniń monitoringi siiaqty quqyqtyq tártipti qamtamasyz etýmen tikelei bailanysy joq ókilettikter bar.
«Eńbek jáne halyqty áleýmettik qorǵaý ministrliginiń bosqyndarmen jumysy kóbine olarǵa áleýmettik kómek, meditsinalyq qyzmet jáne bilim berýge, sondai-aq olardy jumysqa ornalastyrýǵa baǵyttalatyn bolady.
«Eńbek patentteriniń» nemese jeke tulǵalardyń úi sharýashylyǵynda jumys isteýge keletin eńbek migranttaryna ruqsat Halyqqa qyzmet kórsetý ortalyqtary arqyly beriledi.
Ruqsattardyń basqa túrlerin jergilikti atqarýshy organdar beredi. Olardy berý tártibin Eńbek jáne halyqty áleýmettik qorǵaý ministrligi aiqyndaidy», - delingen resmi túsindirmede.
Degenmen, bosqyndar men eńbek migranttarynyń Qazaqstanda bolý erejelerin saqtaý jaǵdaiy burynǵysynsha politsiia baqylaýynda bolady.
Iaǵni, bosqyn mártebesin jáne jeke tulǵadan eńbek qyzmetine ruqsat alǵannan keiin kórsetiletin qyzmetti alýshylar ornalasqan jeri boiynsha politsiiaǵa ýaqytsha turýǵa ruqsat alýy kerek.
Týyndaǵan suraqtar boiynsha Eńbek jáne halyqty áleýmettik qorǵaý ministrliginiń Eńbek, áleýmettik qorǵaý jáne kóshi-qon komitetine telefon arqyly habarlasýǵa bolady: 8/717/2-74-37-78, 74-37-26
QR IIM Kóshi-qon qyzmeti komiteti telefondary: 8/717/2-71-40-73,72-20-62.
