Memlekettik hatshy Qyrymbek Kósherbaev Sybailas jemqorlyqqa qarsy is-qimyl máseleleri jónindegi komissiiasynyń otyrysyn ótkizdi, dep habarlaidy Aqorda.
Memlekettik hatshy Qyrymbek Kósherbaevtyń tóraǵalyǵymen Qazaqstan Respýblikasy Prezidenti janyndaǵy Sybailas jemqorlyqqa qarsy is-qimyl máseleleri jónindegi komissiiasynyń kezekti otyrysy ótti. Jiynda taýarlardy, jumystardy jáne qyzmetterdi memlekettik satyp alý kezindegi sybailas jemqorlyqqa qarsy is-qimyl jóninde qabyldanǵan sharalardyń qazirgi ahýaly talqylandy.
Komissiia tóraǵasy memlekettik satyp alýlardyń tiimdi jumys isteýi áleýmettik-ekonomikalyq máselelerdi sheshýge, otandyq salalardy damytýǵa jáne ulttyq taýar óndirýshilerdiń ónimderin qoldaýǵa yqpal etetinin atap ótti. Sonymen qatar atalǵan salada sybailas jemqorlyq táýekelderi joǵary ekeni, mundai jaǵdai rásimdik jáne qarjylyq tártip buzýshylyqtar, biýdjet qarajatyn urlaý jáne ózge de teris maqsattaǵy is-áreketter kezinde oryn alatyny aityldy.
Otyrys barysynda Qazaqstannyń Tuńǵysh Prezidenti – Elbasy N.Á.Nazarbaev memlekettik satyp alýlardyń ashyqtyǵyn qamtamasyz etý, sybailas jemqorlyqqa qarsy kúresti kúsheitý maqsatynda bul jumystardy elektrondyq tásilmen ótkizýdi qoldaǵany jaiynda baiandaldy. Qabyldanyp jatqan sharalar biýdjet qarajatyn paidalanýdyń tiimdiligin arttyrýǵa, áleýetti ónim berýshilerdiń satyp alýlarǵa qatysý rásimin ońailandyrýǵa, qujattardyń elektrondyq depozitariiin engizýge múmkindik beredi.
Sondai-aq biyl Memleket basshysy Q.K.Toqaevtyń tikelei tapsyrmasymen «Kvazimemlekettik sektordyń jekelegen sýbektileriniń satyp alý týraly» Zańy qabyldandy. Prezidenttiń otandyq biznestiń satyp alýlarǵa tolyqqandy qoljetimdiligin qamtamasyz etýge, bir kózden satyp alýdy qysqartýǵa, olardyń tiimdiligi men ashyqtyǵyn arttyrýǵa qatysty zańnamany jetildirý jónindegi tapsyrmalary oryndalyp jatyr.
Sybailas jemqorlyqqa qarsy is-qimyl jáne Qarjylyq monitoring agenttikteriniń, Bas prokýratýranyń, «Atameken» UKP, Qarjy, Densaýlyq saqtaý ministrlikteriniń basshylary, sondai-aq, birqatar óńirlerdiń ákimderi satyp alý kezindegi sybailas jemqorlyq pen basqa da tártip buzýshylyqtardy ashý jáne joiý, kináli azamattardy zańnamada belgilengen jaýapkershilikke tartý jóninde qabyldanǵan sharalar týraly baiandady. Bul rette mundai quqyq buzýshylyqtardyń basym bóligi qurylys, turǵyn úi-kommýnaldyq sharýashylyǵy, bilim berý, densaýlyq saqtaý jáne mádeniet salalarynda bolatyny, al urlanǵan biýdjet qarajaty kóleńkeli ainalymǵa túsetini týraly aityldy.
Jiynda Prezidenttiń kómekshisi – Qaýipsizdik Keńesiniń hatshysy Á.Isekeshev memlekettik satyp alý kezinde sybailas jemqorlyq táýekelderin tómendetý jónindegi usynystaryn ortaǵa saldy.
Sonymen qatar komissiiada kásipkerlik sýbektileriniń quqyqtary men zańdy múddelerin saqtaý úshin atqarylyp jatqan jumystar, satyp alý baǵalaryn asyra kóterý, tólengen salyqtar týraly málimetterdi qubyltý, memlekettik satyp alý portalynyń tiisti deńgeide qyzmet atqarmaýy, kináli adamdardyń óz dárejesinde jaýapqa tartylmaýy sekildi máselelerdi qarastyrdy.
Komissiia otyrysynyń qorytyndysy boiynsha Memlekettik hatshy birqatar naqty tapsyrma berip, olardyń oryndalýy baqylaýda bolatynyn aitty. Qarjy ministrligine Komissiianyń memlekettik satyp alý salasyndaǵy memlekettik retteýdi qamtamasyz etetin usynymyn ázirleý tapsyryldy.
