Búgin qazaqtyń uly aqyny Abaidyń 175 jyldyq mereitoiy. Osyǵan orai QR Memlekettik hatshysy Qyrymbek Kósherbaev bastaǵan bir top memleket jáne qoǵam qairatkeri elordadaǵy Abai eskertkishine saltanatty jaǵdaida gúl shoqtaryn qoidy, dep habarlaidy "Ult aqparat".
Gúl shoqtaryn qoiý rásimine QR Prezidenti Ákimshiligi basshysynyń orynbasary Dáýren Abaev, QR Premer-Ministriniń orynbasary Eraly Toǵjanov, Mádeniet jáne sport ministri Aqtoty Raiymqulova, elorda ákimi Altai Kólginov, QR Prezidentiniń baspasóz hatshysy Berik Ýáli, Májilis depýtaty Saýytbek Abdyrahmanov qatysty. Mundai saltanatty rásim elimizdiń barlyq óńirinde ótkizildi.
Aita keteiik, taiaýda Qazaqstan Úkimetiniń qaýlysymen 10 tamyz Abai kúni bolyp belgilendi. Osylaisha, Memleket basshysy Qasym-Jomart Toqaevtyń tapsyrmasymen Úkimet Abai kúnin belgilep, elimizdiń ataýly merekeler tizbesine engizdi. Mundaǵy basty maqsat - Abaidy ultymyzdyń rýhani reformatory, álemdik deńgeidegi kemeńger retinde teńdessiz shyǵarmashylyǵyn nasihattaý.
