Pavlodar oblysynda oiyn alańynda óziniń eki balasyna qol kótergen áke zań aldynda jaýap beretin boldy. Sondai-aq er adam zańsyz qarý saqtaǵany úshin sotqa tartylmaq, dep habarlaidy "Ult aqparat" Ravlodarnews.kz saityna silteme jasap.
Óńirdiń ýchaskelik inspektorlary kóshede jáne ózge de qoǵamdyq oryndarda qylmystyń jolyn kesý jáne aldyn alý maqsatynda, sondai-aq qoǵamdyq tártipti qamtamasyz etý úshin ózderine júktelgen ýchaskelerdi aralaidy.
Pavlodar oblystyq Politsiia departamentinen málim etkendei, politsiia qyzmetkerleri Aqsý qalasynyń turǵyny M.Áýezov kóshesindegi oiyn alańynda kámeletke tolmaǵan eki balasyna dene jaraqatyn salǵanyn kórgen.
Atalǵan faktige qatysty QR ÁQBtK-niń 73-1-baby, 1-1-bóligi (densaýlyqqa qasaqana jeńil ziian keltirý) boiynsha ákimshilik is qozǵaldy.
«Sonymen qatar tártip saqshylary er adamnyń tegis uńǵyly eki qarýy bar ekenin anyqtap, olardy tárkiledi», - dedi Aqsý qalasynyń politsiia bólimi bastyǵynyń mindetin atqarýshy Aidyn Júnisov.
Qarý Aqsý qalalyq politsiia bóliminiń azamattyq jáne qyzmettik qarý ainalymyn baqylaý jónindegi topqa tapsyryldy.
Er adamnyń ústinen QR ÁQBtK-niń 484-baby 1-bóligi (azamattyq, qyzmettik, marapattyq, kollektsiialyq qarýdy, onyń patrondaryn satyp alý, berý, esepke alý, saqtaý, paidalaný, QR aýmaǵyna ákelý jáne QR aýmaǵy arqyly tranzitteý tártibin buzý) boiynsha taǵy bir ákimshilik is qozǵaldy.
