©almaty.tv
Kóshemiz satylyp ketip, úiimizge kirip-shyǵa almai qaldyq. Osylai janaiqaiyn jetkizgen Almaty oblysy Abai aýylyndaǵy 20-ǵa jýyq otbasy máseleniń sheshilýin suraidy, dep habarlaidy Almaty.tv telearnasy.
12 jyl boiy osy jolmen júrip keldik degen jurt "bir jarym jyl buryn jer iesi tabylyp, aýmaqty qorshap aldy" dep ashýly.
"Kóshesiz qalǵan" Qarasai aýdanyna qarasty Abai aýylynyń turǵyndary úiine ózen ainalyp kirip, kóligin kóshe jiegine tastap júrgeli jyldan asypty. Qorshaý artynda qalǵan kei zattaryn kranmen tasyp, qazir bóten úidiń aýlasy arqyly ótip júr eken.
«Eki múgedek nemerem bar, bireýi alty jasta, ekinshisi toǵyz jasta. Osy qiynshylyqty bir jarym jyldan beri kórip jatyrmyz. Jedel járdem, basqa qyzmet túrin shaqyra almaimyz, kele almaidy», – deidi Abai aýylynyń turǵyny Raihan Býranova.
Al shamamen jarty jyl buryn «kóshe turǵyndarǵa qaitarylsyn» degen sot sheshimi shyǵypty. Turǵyndardyń aitýynsha, jer iesinen habar joq.
«Bul jerdi ashý kerek. Bárimizde qujat bar, normativ oryndalǵan. Ákim jumys istemeidi. Ákimge baramyz, únemi aýyryp qalady. Mine, sottyń sheshimi shyqqanyna qansha ýaqyt boldy», – deidi aýyl turǵyny Berikjan Qulshanov.
Jolsyz qalǵan abailyqtar búgin aýdan ortalyǵyna baryp, oblys ákimine de dál osy kóshe máselesin sheship berýin surady. Qarasai aýdany halqymen kezdesýge kelgen Marat Sultanǵaziev jaǵdaidy baqylaýǵa alatynyn aitty.
«Mynaý quqyq qorǵaý organdary, prokýratýra, sot oryndaýshylary aýdan ákimimen birge jumysty aiaqtasyn. Jaqyn arada sottyń sheshimin oryndaýǵa jumys jasaimyz», – dedi Almaty blysynyń ákimi.
«Sottyń sheshimi oryndamaǵany úshin Raiymbek aýylynyń ákimine sot arqyly 50 AEK aiyppul saldyq. Eger qazir gaz qubyrynan 1 mm tesik shyqsa, bir qyzmet kirip ony jóndei almaidy. Bir kósheniń turǵyndarynan airylamyz», – dedi zańger Madiiar Aimyrzauly.
Jaýaptylar oblys ákimine máseleni sheshetinin jetkizdi.
