©almaty.tv
كٶشەمٸز ساتىلىپ كەتٸپ, ٷيٸمٸزگە كٸرٸپ-شىعا الماي قالدىق. وسىلاي جانايقايىن جەتكٸزگەن الماتى وبلىسى اباي اۋىلىنداعى 20-عا جۋىق وتباسى مەسەلەنٸڭ شەشٸلۋٸن سۇرايدى, دەپ حابارلايدى Almaty.tv تەلەارناسى.
12 جىل بويى وسى جولمەن جٷرٸپ كەلدٸك دەگەن جۇرت "بٸر جارىم جىل بۇرىن جەر يەسٸ تابىلىپ, اۋماقتى قورشاپ الدى" دەپ اشۋلى.
"كٶشەسٸز قالعان" قاراساي اۋدانىنا قاراستى اباي اۋىلىنىڭ تۇرعىندارى ٷيٸنە ٶزەن اينالىپ كٸرٸپ, كٶلٸگٸن كٶشە جيەگٸنە تاستاپ جٷرگەلٸ جىلدان اسىپتى. قورشاۋ ارتىندا قالعان كەي زاتتارىن كرانمەن تاسىپ, قازٸر بٶتەن ٷيدٸڭ اۋلاسى ارقىلى ٶتٸپ جٷر ەكەن.
«ەكٸ مٷگەدەك نەمەرەم بار, بٸرەۋٸ التى جاستا, ەكٸنشٸسٸ توعىز جاستا. وسى قيىنشىلىقتى بٸر جارىم جىلدان بەرٸ كٶرٸپ جاتىرمىز. جەدەل جەردەم, باسقا قىزمەت تٷرٸن شاقىرا المايمىز, كەلە المايدى», – دەيدٸ اباي اۋىلىنىڭ تۇرعىنى رايحان بۋرانوۆا.
ال شامامەن جارتى جىل بۇرىن «كٶشە تۇرعىندارعا قايتارىلسىن» دەگەن سوت شەشٸمٸ شىعىپتى. تۇرعىنداردىڭ ايتۋىنشا, جەر يەسٸنەن حابار جوق.
«بۇل جەردٸ اشۋ كەرەك. بەرٸمٸزدە قۇجات بار, نورماتيۆ ورىندالعان. ەكٸم جۇمىس ٸستەمەيدٸ. ەكٸمگە بارامىز, ٷنەمٸ اۋىرىپ قالادى. مٸنە, سوتتىڭ شەشٸمٸ شىققانىنا قانشا ۋاقىت بولدى», – دەيدٸ اۋىل تۇرعىنى بەرٸكجان قۇلشانوۆ.
جولسىز قالعان ابايلىقتار بٷگٸن اۋدان ورتالىعىنا بارىپ, وبلىس ەكٸمٸنە دە دەل وسى كٶشە مەسەلەسٸن شەشٸپ بەرۋٸن سۇرادى. قاراساي اۋدانى حالقىمەن كەزدەسۋگە كەلگەن مارات سۇلتانعازيەۆ جاعدايدى باقىلاۋعا الاتىنىن ايتتى.
«مىناۋ قۇقىق قورعاۋ ورگاندارى, پروكۋراتۋرا, سوت ورىنداۋشىلارى اۋدان ەكٸمٸمەن بٸرگە جۇمىستى اياقتاسىن. جاقىن ارادا سوتتىڭ شەشٸمٸن ورىنداۋعا جۇمىس جاسايمىز», – دەدٸ الماتى بلىسىنىڭ ەكٸمٸ.
«سوتتىڭ شەشٸمٸ ورىنداماعانى ٷشٸن رايىمبەك اۋىلىنىڭ ەكٸمٸنە سوت ارقىلى 50 اەك ايىپپۇل سالدىق. ەگەر قازٸر گاز قۇبىرىنان 1 مم تەسٸك شىقسا, بٸر قىزمەت كٸرٸپ ونى جٶندەي المايدى. بٸر كٶشەنٸڭ تۇرعىندارىنان ايرىلامىز», – دەدٸ زاڭگەر مادييار ايمىرزاۇلى.
جاۋاپتىلار وبلىس ەكٸمٸنە مەسەلەنٸ شەشەتٸنٸن جەتكٸزدٸ.
