foto: Tengrinews.kz
Májilis tóraǵasy Erlan Qoshanov "Nur Otan" partiiasynyń ataýy nege "Amanatqa" ózgertilgenin túsindirdi, dep habarlaidy Sputnik Qazaqstan.
Onyń aitýynsha, ómir de, qoǵam da ózgerip jatyr.
"Jeltoqsandaǵy jaǵdai men qańtardaǵy ahýaldy alyp qarasaq, shyndyǵynda biz basqa memlekette uiyqtap, múlde basqa memlekette oianǵan siiaqty bolyp otyrmyz. Memleketke úlken shabýyl jasaldy. Qoǵam dúr silkindi. Óńirlerge sapar barysynda halyqtyń kóńil-kúiin, suranysyn baiqadyq. Negizi partiianyń ózgerýine, qoǵamnyń ózgerýine, biliktiń jańarýyna suranys bar. Partiia soǵan beiimdelýi kerek. Osynyń bárin eskerip, partiia músheleri osyndai sheshim qabyldady", - dedi Qoshanov Májilis otyrysynan keiin jýrnalisterdiń suraǵyna jaýap berip.
Budan bólek, spiker "Amanat" degen partiiany tirkeýde zań jaǵynan eshqandai qiyndyq bolmaitynyn atap ótti.
"Elimizde "Amanat" degen ataýmen otyzdan asa ártúrli uiym bar eken. Biraq "Amanat" degen partiia joq. Sondyqtan "Amanat" degen partiiany tirkeýde eshqandai qiyndyq bolmaidy dep oilaimyn", - dedi ol.
