فوتو: Tengrinews.kz
مەجٸلٸس تٶراعاسى ەرلان قوشانوۆ "Nur Otan" پارتيياسىنىڭ اتاۋى نەگە "اماناتقا" ٶزگەرتٸلگەنٸن تٷسٸندٸردٸ, دەپ حابارلايدى Sputnik قازاقستان.
ونىڭ ايتۋىنشا, ٶمٸر دە, قوعام دا ٶزگەرٸپ جاتىر.
"جەلتوقسانداعى جاعداي مەن قاڭتارداعى احۋالدى الىپ قاراساق, شىندىعىندا بٸز باسقا مەملەكەتتە ۇيىقتاپ, مٷلدە باسقا مەملەكەتتە ويانعان سيياقتى بولىپ وتىرمىز. مەملەكەتكە ٷلكەن شابۋىل جاسالدى. قوعام دٷر سٸلكٸندٸ. ٶڭٸرلەرگە ساپار بارىسىندا حالىقتىڭ كٶڭٸل-كٷيٸن, سۇرانىسىن بايقادىق. نەگٸزٸ پارتييانىڭ ٶزگەرۋٸنە, قوعامنىڭ ٶزگەرۋٸنە, بيلٸكتٸڭ جاڭارۋىنا سۇرانىس بار. پارتييا سوعان بەيٸمدەلۋٸ كەرەك. وسىنىڭ بەرٸن ەسكەرٸپ, پارتييا مٷشەلەرٸ وسىنداي شەشٸم قابىلدادى", - دەدٸ قوشانوۆ مەجٸلٸس وتىرىسىنان كەيٸن جۋرناليستەردٸڭ سۇراعىنا جاۋاپ بەرٸپ.
بۇدان بٶلەك, سپيكەر "امانات" دەگەن پارتييانى تٸركەۋدە زاڭ جاعىنان ەشقانداي قيىندىق بولمايتىنىن اتاپ ٶتتٸ.
"ەلٸمٸزدە "امانات" دەگەن اتاۋمەن وتىزدان اسا ەرتٷرلٸ ۇيىم بار ەكەن. بٸراق "امانات" دەگەن پارتييا جوق. سوندىقتان "امانات" دەگەن پارتييانى تٸركەۋدە ەشقانداي قيىندىق بولمايدى دەپ ويلايمىن", - دەدٸ ول.
