"Depýtattar aqpan aiynda elimizdiń barlyq óńirine baryp, sailaýshylarmen mazmundy kezdesýler ótkizdi. Onda turǵyndar tarapynan birqatar problemalar kóterilip, ótinishter qabyldandy. Sonyń bárin jinaqtap, bir ai buryn Úkimetke joldaǵan bolatynbyz. Mine, búgin osy máselelerdiń sheshilýi týraly Úkimettiń aqparatyn tyńdaiyn dep otyrmyz", - dedi Erlan Qoshanov.
Depýtattar elimizdiń barlyq óńirine baryp, sailaýshylarmen 1600-ge jýyq kezdesý ótkizdi. Olar túrli áleýmettik nysandarda, kásiporyndar men bazarlarda, shalǵai eldi mekenderde bolyp, eńbek ujymdarynyń problemalarymen tanysty. Barlyǵy myńnan astam másele jinaqtalyp, Úkimetke jiberildi. Sonyń ishinde azyq-túlik pen dári-dármektiń qymbattaýy, aýyz sýmen jáne turǵyn úimen qamtamasyz etý, mektep qurylysy, jol jóndeý, internet sapasyn jaqsartý máseleleri bar.
Májilis tóraǵasynyń aitýynsha, problemalardyń bári naqty ári júieli túrde sheshilýge tiis. Olar depýtattardyń jiti baqylaýynda bolady.
"Árbir máseleniń artynda adamdardyń turmysy men taǵdyry tur. Osyny ár depýtat, ministr men jergilikti bilik ókilderi tereń túsinýge tiis. Qazir elimiz úlken ózgeristerdiń aldynda tur. Prezident iri saiasi reformalar jariialady. Ol reformalar qarqyndy júzege asa bastady. Al biz - Parlament, Úkimet, jergilikti bilik, bárimiz bir kisidei jumylyp, qoǵamda qordalanǵan máselelerdi sheshýde jedel áreket etýimiz qajet. Bir sózben aitqanda biz Memleket basshysynyń qarqynyna ilese bilýimiz kerek", - dedi Erlan Qoshanov.
Sondai-aq, Palata spikeri Parlament pen Úkimettiń máselelerdi sheshý boiynsha jańa formattaǵy jumysy aldaǵy ýaqytta da júieli túrde jalǵasatynyn aitty.
