Májilis tóraǵasy Erlan Qoshanov AMANAT ataýymen ózgergen bilik partiiasyn tirkeýge qatysty túsinik berdi, dep habarlaidy QazAqparat.
Májilistiń jalpy otyrysynan keiin tilshiler palata tóraǵasynan bilik partiiasynyń ózgertilgen ataýyn tirkeý qatysty suraq qoidy.
«Amanat» degen ataýmen jeke kompaniialar men uiymdar bar. Sondyqtan ersmi tirkelý qiyn bolmai ma?», - delingen tilshiler saýalynda.
«Zańnama turǵysynan tirkeý boiynsha eshbir qiyndyq bolmaidy. Biz zerdelegen kezde «Amanat» degen ataýmen 30-dan astam túrli uiym bar eken, biraq osy ataýmen partiia tirkelmegen. Sondyqtan «AMANAT» ataýymen partiiany tirkeýde eshqandai qiyndyq bolmaidy dep oilaimyn», - dep túsindirdi Qoshanov.
Sonymen qatar tilshiler tarapynan «Nur Otan» ataýynan nelikten bas tartyldy» degen suraq qoiyldy.
«Negizi, ómir men qoǵam ózgerip jatyr, ony ózderińiz kórip júrsizder. Ótken jyldyń jeltoqsan aiyndaǵy jaǵdai men biylǵy qańtardaǵy jaǵdaidy qarasaq, biz basqa memlekette uiyqtap, basqa memlekette oianǵan siiaqtymyz. Sondyqtan búginde qoǵamnyń suranysy da ózgerip otyr. Memleketke qatysty terakti, shabýyl bolǵannan keiin qoǵam dúr silkinip otyr. Bul baǵytaǵy qadamdarǵa partiia beiimdelýi kerek qoi. Qoǵam óz aldyna, partiia óz aldyna basqa álemde ómir súrmeidi ǵoi? Sondyqtan partiia músheleri osynyń bárin saraptady», - dedi Májilis spikeri.
Osy oraida ol Májilistegi fraktsiia depýtattary óńirlerge saparmen baryp kelgenin, sol jerlerde turǵyndardyń kóńil-kúii, suranysy nazarǵa alynǵanyn atap ótti.
Partiianyń, qoǵamnyń jańarýyna suranys bar.
«Osynyń bárin pysyqtap, partiia músheleri tiisti sheshimdi qabyldap, partiia tóraǵasy ony qoldady», - dedi Erlan Qoshanov.
